POP 5

Lajmet më të lexuara të 5 minutave të fundit

Sociale

Memaliaj, Nikolla jep lajmin e mirë për maturantët me mesatare mbi 9-të: Ja favori që do të keni

Vijon turi i llogaridhënies publike të qeverisë“Puna për Shqipërinë që Duam”. Ministrja e Arsimit, Lindita Nikolla, është ndalur në fshatin Kutë të Mallakastrës dhe në qytetin e Memaliaj.

Vijon turi i llogaridhënies publike të qeverisë“Puna për Shqipërinë që Duam”. Ministrja e Arsimit, Lindita Nikolla, është ndalur në fshatin Kutë të Mallakastrës dhe në qytetin e Memaliaj.

Në takimin që u mbaj në qytetin e Memaliaj, ministrja e Arsimit e shoqëruar edhe nga ministrja e Kulturës dhe kryebashkiaku i qytetit, dëgjuan shqetësimet e banorëve duke dhënë zgjidhje dhe mbajtur shënime për t’i adresuar në institucionet e duhura.

Nikolla nga Memaliaj u bëri me dije prindërve të Shqipërisë se projekti pilot “Bëjmë detyrat e shtëpisë” ka shënuar arritje të reja tek nxënësit që janë pjesë e këtij projekti gjatë këtij viti, kjo falë testimit që fëmijëve ju bë para nisjes së kësaj nisme, e cila nga viti i ri shkollor do të zgjerohet edhe më tej, jo vetëm në 5 bashki të vendit.

Të përgatiten përmes programeve të caktuara edhe nën mbikëqyrjen e mësuesve të tyre për ditën e nesërme të mësimit. Ka rezultuar një nismë e mirëpritur nga prindërit dhe ka shënuar progres tek nxënësit. Ne kemi bërë një testim përpara se ta fillonin këtë projekt dhe do ta masim sërish progresin e nxënësve dhe besoj që vitin e ardhshëm ne do ta fusim në sistem në më shumë shkolla ose në të gjitha shkollat e Shqipërisë.

Ministrja e Arsimit, Lindita Nikolla

Shqetësimi i disa banorëve për klasat kolektive mori përgjigje nga ministrja Nikolla, e cila deklaroi se ky fenomen po adresohet duke grupuar klasat kolektive, por kjo nuk do të prekë mësuesit që janë në sistem.

Edhe Franca ka klasa kolektive. Por ne kemi zgjedhur ta adresojmë këtë, jo ta fshehim dhe të mos flasim asnjëherë për klasat kolektive. Edhe nëse një shkollë duhet të mbyllim disa klasa për t’i dërguar nxënësit në një shkollë tjetër në mënyrë që të mësojnë në klasa normale, mësuesit do të jenë në sistem.

Ministrja e Arsimit, Lindita Nikolla

Maturantët e dobët nuk do të jenë më në programet e mësuesisë falë reformës që ministria po ndërmerr duke vendosur kritere hyrëse por edhe mbështetje për më të mirët me mesatare mbi 9 për të ndryshuar realitetin që vijon prej vitesh.

Që këtë vit ne do të ndalojmë atë tipar të këtyre viteve nga ‘93 deri një vit më parë që mësuesja të ishte atraktive për maturantët më të dobët. Nuk mund të jetë kështu. Nuk mund të presim që në shkollat tona të shkojnë mësues cilësorë, teksa drejt universiteteve tek profilet e mësuesisë të shkojnë maturantët më të dobët. Kemi dy masa thelbësore që sivjet, rritja e notës mesatare për programet e mësuesisë dhe e dyta me rëndësi, ne nuk stimulojmë këdo për të ndjekur programet e mësuesisë por do mbulojmë tarifat e studimit për çdo maturante me mesatare mbi 9 që zgjedh mësuesinë. Dhe ne besojmë se kjo është rruga e duhur për të mësuar dhe mundësuar që ne të dimë se çfarë ndodh prapa derës së çdo klase edhe në fshatin më të thellë të Shqipërisë, se çfarë ndodh me edukimin, dijen dhe komunikimin e fëmijëve që studiojnë në këto shkolla.

Ministrja e Arsimit, Lindita Nikolla

 

( Ministrja e Arsimit, Lindita Nikolla gjatë turit të llogaridhënies publike në Memaliaj )

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça