POP 5

Lajmet më të lexuara të 5 minutave të fundit

Sociale

Memoriali i Skënderbeut vizitohet nga mbi 17 mijë turistë për 10 muaj! Përgjegjësi: Shifër rekord, më shumë vizitorë nga Holanda

Memoriali i Skënderbeut në Lezhë është vizituar nga 17 mijë e 200 turistë në 10 muajt e parë të këtij viti. Kjo shifër shënon rekordin e tre dekadave të fundit. Drejtori i monumentit tha se gjatë muajit tetor shumica e vizitorëve ishin nga Holanda.

Lezha nuk njihet vetëm për bregdetin por dhe për monumentet historike e kulturore. Ndërmjet tyre, memoriali i Gjergj Kastriotit në qendër të qytetit është sajti më i vizituar gjatë këtij viti.

Sipas të dhënave zyrtare në 10 mujorin e parë të 2023-shit vendvarrimi i Skënderbeut është vizituar nga 17 200 turistë, duke njohur numrin më të lartë të turistëve në tre dekadat e fundit.

“Janë shënuar rekorde krahasim me çdo vit tjetër që nga viti 1981 kur është krijuar institucioni. Nga janari në tetor numri është 17 200 vizitor në total”, u shpreh Paulin Zefi, përgjegjës i memorialit.

Bashkëpunimi me agjencitë turistike dhe promovimi që i po i bëhet në vazhdimësi Lezhës ka ndikuar në bumin turistik. Krahas shqiptareve të Kosovës interes për memorialin kanë treguar te huajt, ku numrin më të lartë e zënë holandezet.

“Si rezultat i bashkëpunimit me agjencitë turistike holandeze, është bërë e mundur që në tetor të mos jetë më as Shqipëria e as Kosova vendi i parë për numrin e vizitorë, por të jetë Holanda. Është e hera e parë në histori që një shtet i huaj të jetë i pari në listë për numrin e vizitorëve”, tha më tej Zefi.

Memoriali i Skënderbeut, është vendi ku me 2 Mars 1444 u mbajt “Besëlidhja e Lezhës” dhe ku më 17 Janar 1468 u varros heroi kombëtar. Vendvarrimi i Skënderbeut përbën njërin prej monumenteve më të rëndësishëm në historinë e Shqipërisë.  Përveç mureve të kishës në këtë objekt gjendet edhe absida ku ndodhet i vendosur busti i Skënderbeut, afresku i Shën Nikollit, dritaret dhe tre harqet mbi derën e kishës. Në mure janë varura 25 mburoja prej bronzi të cilat tregojnë 25 betejat kryesore të Skënderbeut.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03