POP 5

Lajmet më të lexuara të 5 minutave të fundit

Opinion

Mero Baze: Dy betejat e  fituara të opozitës, që shkojnë dëm

Pas vitit 2021 opozita ka fituar vetëm dy beteja. E para mund të quhet betejë e fituar Komisioni hetimor për inceneratorët, I cili shërbeu si një shkundje e fort për qeverinë dhe më pas drejtësinë në lidhje me hetimet për atë skandal.

Mero Baze: Dy betejat e  fituara të opozitës, që shkojnë dëm

Pas vitit 2021 opozita ka fituar vetëm dy beteja. E para mund të quhet betejë e fituar Komisioni hetimor për inceneratorët, I cili shërbeu si një shkundje e fort për qeverinë dhe më pas drejtësinë në lidhje me hetimet për atë skandal. E dyta është kjo beteja e vogël në dukje, por e rëndësishme, për taksën e profesioneve të lira. 

Në betejën e parë, në Komisionin Hetimor Jorida Tabaku ishte nën presionin e gurpit të Berishës, I cili më shumë donte të sabotonte komisionin, se sa të merrte pikë deputetja që në atë kohë drejtonte Komisionin si pjese e PD së Lulzim Bashës. Dhe u bë aq e shëmtuar ajo lufta kundër saj, sa pjesa e Berishës  nuk firmosi as raportin përfundimtar të Komisionit. Mos të them pastaj akuzat nën zë .

Në fakt Komisioni filloi tatëpjetën e personazheve të inceneratorëve. Disa muaj pas tij dha dorëheqjen zëvendëskryeministri I cili më pas kaloi nën hetim dhe u shpërbë gjithë piramida e kompanive guaskë dhe njerëzve të përfshirë në atë histori.

Shumë nga këto portalet që shesin e blejnë informacione nga personazhet e inceneratorëve kundër njëri tjetrit, e kanë sulmuar Tabakun atëherë sikur të ishte në krye të inceneratorëve.

Edhe beteja e sotme pati protagoniste po Jorida Tabakun nga një pozicion i ndryshëm poltik i dy viteve më parë. Ajo I doli zot publikisht kontestimit të ligjit për profesionet e lira dhe sot u arrit në një vendim, që në fakt është I drejt sa i përket propocionalitetit  para ligjit fiskal të gjithë bizneseve të vegjël.

I solla të dy rastet për të kuptuar se opozita që i prish punë qeverisë në të vërtet është opozita institucionale, ajo që përballet me problemin aty ku duhet përballur dhe jo opozita e rrugës, që ka axhenda personale, që vero si grup mercenar me pagesë, dhe për shkak të tyre banalizon gjithë aksionin opozitar.

Grupi I gatshëm që paradite është para bashkisë e mbasdite poshtë penxheres, jo vetëm që e ka bërë qesharak opozitën, por ka humbur sensin e të bërit opozitë, pasi çdo ditë dëshmon pafuqinë e vet dhe largon qytetarët nga opozita. 

Ndërsa me këto dy aksione, opozita jo vetëm që kë vënë në pozitë të vështire qeverinë, por ka fituar simpatinë e shtresës gri të qytetarëve, të cilët lidhen me politikën për interesa konkrete dhe jo për hallet e familjes së Sali Berishës, që nuk numërojnë dot metrat katrorë që kanë vjedhur tek Klubi “Partizani”.

Kjo është e mira e këtij tipi opozite. E keqja pastaj është kur kjo opozitë bashkohet me opozitën e Berishës dhe e humbet komplet kuptimin.

Është pak a shumë si ato kazanet e plehrave në Tiranë, ku të thonë “këtu hidh qelqin”, “këtu letrat”, “këtu plehrat” dhe pasi ti e ke bërë këtë, vjen makina e plehrave i merr të gjitha dhe i bashkon të në një kazan./Tema

 

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58