Vetshpallja e Sali Berishës kryetar edhe formalisht i Partisë Demokratike, është ngjarja që është shoqëruar me më shumë heshtje në historinë 30- vjeçare të politikës shqiptare. Partia më e rëndësishme e opozitës, është përballur me një mur të frikshëm heshtje nga gjithë partnerët ndërkombëtarë dhe ata vendas, pas këtij vendimi.
Shtetet e Bashkuara të Amerikës, të cilat e kanë bërë të qartë qëndrimin edhe në të ardhme për Sali Berishën, nuk kanë ndonjë arsye të reagojnë, pasi kanë reaguar dhe paralajmëruar më parë. Si demokratët në pushtet, ashtu dhe republikanët, e kanë bërë të qartë që me një person të dizajnuar si “non grata”, SHBA nuk do të vendosin kurrë marrëdhënie. E vetmja amerikane e gëzuar është një emigrante që Sali Berisha e ka futur në Kryesi të partisë së tij, por dhe ajo më shumë i ka shtuar sherret me gratë e PD, se sa i ka sjellë paqe.
Bashkimi Europian, i cili po përgatit një draft për të njohur vendimet e SHBA për personat e akuzuar për korrupsion domethënës dhe minues të demokracisë, po ashtu e ka injoruar vetshpalljen e Sali Berishës kryetar të Partisë Demokratike. Dy ditë më pare, deputeti më i rëndësishëm për marrëdhëniet ndërkombëtare i CDU, që mbulon dhe raportet me Partitë Popullore, paralajmëroi se në rast rikthimi të Berishës, CDU por dhe Partitë Popullore do të ndërpresin marrëdhëniet me PD.
Vetshpallja e Berishës si kryetar edhe “de jure” i PD, është shoqëruar me heshtje të thellë dhe nga aleatët rajonal të PD, madje dhe nga aleatët e saj brenda vendit. E gjithë kjo ndodh ndërkohë që procesi gjyqësor kundër legjitimitetit të tij në krye të PD vazhdon në Gjykatën e Apelit në Tiranë dhe mund ta përkeqësojë dhe më tej ndarjen.
Heshtja që ka rrethuar rikthimin e Sali Berishës, është një shpërfillje e rëndë e ekzistencës së saj si parti. Heshtja e partnerëve ndërkombëtarë nga SHBA në Europë, heshtja e aleatëve brenda vendit, heshtja dhe e vet mbështetësve të Berishës, heshtja dhe injorimi i kundërshtarëve të tij, është e vetmja gjë me të cilën u përball sot Sali Berisha. Partia Demokratike i ngjan një partie që kthehet nga një ceremoni varrimi dhe jo nga një kuvend zgjedhor. Dhe si për çdo të vdekur, heshtja është i vetmi “respekt” për Sali Berishën.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Meqe pseudo gazetaria dhe media shqiptare HESHT ndaj mafies qe ka kapur shtetin, atehere e meritoni nje falenderim meqe na hapet syte mbi te vdekurin tuaj te perbashket Rama.
Përgjigju