Ka një ngjashmëri të frikshme mes politikanëve shqiptarë që tentojnë të kundërshtojnë projektet perëndimore të mbështetura nga SHBA dhe BE, për Ballkanin, në mënyrën se si i kundërshtojnë dhe refuzojnë ato. Është gati si një manual që e zbatojnë të gjithë njësoj.
Në fillim thonë që nuk është nismë perëndimore, por është e dikujt nga Perëndimi që seç ka një lidhje në Serbi apo Rusi. (Këtu e ha gjithmonë Matheu Palmer, se ka gruan serbe)
Pastaj “zbulojnë”që ka gisht dhe Sorosi.
Më pas zbulojnë që është vepër e ambasadorëve amerikanë në rajon, dhe ndonjë diplomati evropian.
Dhe në fund pastaj e hedhin poshtë si projekt antishqiptar që është i ndikuar nga Serbia Rusia Kina apo Kore e veriut.
Është identike mënyra se si dyshja Meta-Berisha kundërshtoi dhe tani po lufton Reformën në Drejtësi. Është po ashtu identike mënyra se si Albin Kurti po refuzon dhe kundërshton nismën rajonale të “Ballkan Open”, edhe pse qeveria e Kosovës e ka firmosur atë në Trieste më 2017 dhe në Uashington më 2020.
Sot Albin Kurti kishte gjetur argumentin e fundit që zakonisht Berisha dhe Meta përdorin në këto raste, atë që është lojë e Rusisë dhe Kinës. Po ti dëgjosh këta në Tiranë, kur flasin për nisma zyrtare të politikës amerikane, të vjen të qash për Amerikën, pasi këta zbulojnë që këto nuk janë interesat amerikane se interesat amerikane i përfaqësojnë “këta tanët”. Këto janë interesa ruse dhe kineze. Siç foli sot Albin Kurti.
Procesi i bashkëpunimit rajonal, mes vendeve të Ballkanit juglindor, i nisur si Proces i Berlinit, mund të mos përfundoj kurrë me sukses, dhe mund të mos ketë në finale ndonjë produkt për të hyrë në histori. Nuk është ndonjë objektiv final që ky proces të bëj Ballkanin “Evropë” sa i përket raporteve të vendeve me njëri tjetrin dhe fuqizimit të bashkëpunimit të tyre.
Por ky proces është një nisëm evropiane dhe amerikane, shumë zyrtare, biles e vetmja më serioze këtë dekadë, e cila po përpiqet të ketë sukses.
Përfshirja e Kosovës në këtë nisëm vlen që të mos lërë karrigen e saj bosh në një tryezë ku të fton SHBA dhe BE, nuk vlen për të gjykuar Kongresin e Berlinit, Bismarkun, apo Konferencën e Bujanit.
Nuk është ndonjë dramë e madhe nëse ky proces nuk bën asgjë në finale, por është dramë e madhe që Kosova ti kthej kurrizin nismave të BE dhe SHBA në rajon, duke u vetizoluar. Aq më tepër pastaj të dal një kryeministër si Albin Kurti që t’u tregoj amerikanëve dhe evropianëve, që janë autor të këtij procesi, që ky është proces për të favorizuar rusët dhe kinezët. Këtu madje behet dhe dallimi mes Lulzim Bashës dhe Berishës. Basha nuk e kundërshton procesin, por “ka idetë” e tij si behet më mirë, ndërsa Berisha është në linjën e zjarrit.
Në fund të këtij procesi i cili mund të zgjas përtej Ramës, Vuçiqit, e Zaevit, do të mbahet shënim që Serbia ishte në anën e Perëndimit dhe Kosova ishte kundër Perëndimit, pasi kryeministri i saj, kishte zbuluar se pas Xho Bajdenit dhe Merkelit fshihej Putini dhe Kina. Siç zbulon përditë Sali Berisha dhe Ilir Meta që vendimet në Departament të SHtetit, i merr Edi Rama me Xhorxh Sorosin.
Lajme të tjera
-
Protesta sot pasdite/ PD njoftoi bllokim të qarkullimit, policia i paralajmëron: Vepër penale, organizatorët do mbajnë përgjegjësi
26 Nëntor, 08:50 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Detyrim paraqitjeje për dy gazetarët, Sali Berisha: Artan Hoxha anëtar i bandës Bajri! T'i hiqet masa Qynos
25 Nëntor, 17:31 -
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Afera 'Partizani’/ GJKKO shtyn më 16 dhjetor seancën paraprake për Berishën, dhëndrin dhe 3 të tjerët! Avokati Gjokutaj: Strasburgu po shqyrton me prioritet dosjen e ish-kryeministrit
25 Nëntor, 12:52 -
Kosova po ndërton stacione të reja policore në veri, kryeministri Albin Kurti e konfirmon: Do shërbejë Policia Kufitare!
25 Nëntor, 12:11 -
Data për zgjedhjet 2025/ PS dhe Celibashi i propozojnë presidentit 11 majin, Klosi: T'ju lemë më shumë kohë emigrantëve! PD refuzon konsultimet, Berisha: 'Haram Bego' vendos çfarë i thotë Rama
25 Nëntor, 08:20 -
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29
