Presidenti i Francës Emanuel Macron, ka rikthyer praninë e Francës në Beograd prej vitit 1999, kur në Paris u vendos që Beogradi të bombardohet për shkak të Kosovës. Në të vërtet normalizimi i raporteve mes Francës dhe Serbisë është kthim në një normalitet historik.
“Anormalitet” ishte ajo që Ibrahim Rugova bëri me Francën, duke e kthyer atë në anën e Kosovës, prej vitit 1990. Ai punoi me durim dhe strategji të qartë për të hequr një bastion të Beogradit në zemër të Evropës dhe ta kthente në anën e vet. Portreti i Ibrahim Rugovës gjendet në zyrat e Ministrisë së Jashtme të Francës sikur të ishte pjesë e diplomacisë së tyre.
Franca u bë jo vetëm vendi mikpritëse për konferencën e Rambujes, e më pas të Parisit, që vulosi fatin e Kosovës, por dhe vendi që e dominoi atë marrëveshje me qëndrime te veta të qarta. Prej vitit 2021 udhëheqësite Kosovës janë në betejë me presidentin francez Emanuel Macron, një herë duke e refuzuar atë në gjithë qëndrimet që ai ka për dialogun mes Kosovës dhe Serbisë, dhe madje duke e bërë atë target sulmesh duke i kërkuar llogari për Serbinë . Madje dhe duke i dhënë leksione se si duhet të sillet me Serbinë.
Në gjithë këtë histori të re të lodhshme në raportet e Kosovës me perëndimin, të gjtihë ata që në Perëndim janë në anën e Kosovës, kanë pasur vetëm një këshillë për Kosovën: “Kapeni trenin”!
Këshilla ka të bëj me faktin që Kosova nuk duhet të humbas kohë dhe nuk duhet të mendoj se do të jetë gjithë jetën në qendër të vëmendjes së botës siç ishte në vitin 1999.
Konflikti në Lindjen e mesme dhe ai në lindje me Rusinë, e kthejnë problemin e Kosovës në bezdi për perëndimin dhe zgjuarsia e udhëheqësve të Kosovës është se si të mos humbasin më asnjë mik në perëndim.
Tashmë pasi Macron dhe Shultz kanë shkuar në Beograd njëri për litium dhe tjetri për të shitur avion, duke e kthyer Serbinë në zonë interesi ekonomik për Evropën, nga Kosova apo mbështetësit e Kurtit kanë nisur sulmet ndaj Evropës në gjuhën e folklorit të vjetër të “Evropës kurvë” që po na tradhton. Në fakt Kosova ka tradhtuar rrugën e saj properëndimore. Dhe për këtë çmimi po paguan është injorimi i saj.
Fakti që Evropa po përpiqet ta përfshij Serbinë në zonën e influencës së saj ekonomike, do të thotë se ajo po përpiqet ta mbaj atë në anën e saj jashtë interesave ekonomike të Rusisë në rajon. Por kjo për Kosovën natyrisht nuk është ndonjë lajm i mirë afatgjatë.
Përkundrazi kjo do ta pakësoj dhe më shumë durimin e liderëve evropianë për të dëgjuar delirant e mitoman nga Kosova që i japin mend Evropës si të sillet me të. Katër vitet e fundit Kosova ka prodhuar vetëm politikë konfliktuale me Perëndimin, me SHBA dhe vendet e Bashkimit Evropian. Madje ky është i vetmi identitet politik i qeverisjes së Albin Kurtit. Tani dhe më tutje, ata thjesht duan ta dinë, se së paku Evropa ka gjithnjë e më pak nerva dhe kohë të merret me muhabetet e katundit të Kosovës.
Serbia për fatin e keq të Kosovës ka çfarë i ofron perëndimit, si zonë interesi, gjeopolitik dhe ekonomik. Kosova përveç marksistllëqeve të Albin Kurtit, dhe “plazhit” të Ujmanit, nuk ofron gjë tjetër. Ndaj nuk është koha që Kosova të shaj Evropën, Francën apo Gjermaninë, e më pas Italinë e ndonjë vend tjetër që afrohet me Serbinë.
Është koha të ulin kokën dhe të kapin kohën që kanë humbur duke i dhënë mend perëndimit nga Prishtina, se si duhet të sillet me Serbinë e si duhet të ndihmojë Kosovën. “Leksioni francez” tregon se askush nuk ka kohë për të humbur duke dëgjuar broçkulla populiste dhe duke bllokuar çdo proces normalizimi rekomanduar nga Perëndimi.
Nga një arsye që bashkoi SHBA dhe Evropën kundër Serbisë, Kosova po kthehet në një arsye të re që po kthen Serbinë në zonë interesi për perëndimin. Atë që e fituan me luftë, po e humbasin në paqe. Dhe pas kësaj, kanë për të harruar ofertën e perëndimit të para disa viteve. Do marrin shumë herë më pak mbështetje dhe shumë herë më pak interes.
Komente
Lajme të tjera
-
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Kryeministri i ri francez: Do bëj të pamundurën të bashkoj vendin
24 Dhjetor, 15:31
-
Panik në Paris, zjarr në ashensorin e Kullës Eifel, evakuohen 1200 veta
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
-
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Francë/ Formohet qeveria Bayrou, mes ministrave ish-kryeministrat Valls dhe Borne
23 Dhjetor, 19:21 -
Sulmi në kanalin Ibër-Lepenc, ambasadori amerikan në Serbi: Nuk ka prova që vërtetojnë autorësinë e Beogradit
23 Dhjetor, 14:27
-
Protesta masive në Beograd, gazetari nga Presheva në Report Tv: Më e madhja ndonjëherë që kur u rrëzua Millosheviçi! Sjellja arrogante e Vuçiç i ka irrituar më shumë qytetarët
23 Dhjetor, 11:49 -
Kryeministri François Bayrou pritet të emërojë qeverinë e re të Francës
23 Dhjetor, 11:39 -
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32
Te pakten e dime tashme se si rreshtohen patriote si Mero e deri tek Rame kur Kosova apo Shqiptaria serish te sfidohet nga kercenimi serbosllav - ne krah te ketyre te fundit.
PërgjigjuMe perpara tek shtepia, pastaj tek xhamia. Ai qe nuk don veten e tij, nuk don edhe te tjeret.
PërgjigjuFranca, nuk ia doli Ymer,,,tè ndajè Mitrovicèn edhe pse investojè gjithçka aty,,deri edhe "kryeministra" shqiptarè tè dy shteteve. Albin Kurti,,tregojè me vepra se si mbrohet INTEGRITETI TERRITORIAL. Sot nè veri tè Mitrovicès, nuk ka mè tallava Ymer. Kosova kontrollon territorin e saj,,edhe pse dikush nga Franca, dèshironte diçka tjetèr. Èshtè LIRIA E TÈ VEPRUARIT PÈR ATA QÈ NUK KANÈ REKORDE KRIMINALE nè jetèn e tyre. Nè shtèpinè time,,vendos unè dhe askush tjetèr. Ndihma amerikane pèr lirinè e vèndit, nuk vihet nè kundèrshtim nga askush, as mirènjohja e pèrjetshme pèr atè ndihmè. E vetmja gjè e re pèr shqiptarèt,,èshtè se njè kryeministèr i tyre,,,NUK I VJEDH DHE PUNON PÈR TA. Lèri dènglat e fshatarit, Ymer. Ibrahim Rugova, nuk arriti asgjè me politikèn e tij,,,edhe pse zotrote dèshiron tè tregosh pèrralla,,ashtu si Franca,,me politikèn e saj, nè thelb ANTISHQIPTARE. Vazhdo mbro tèt zot, Ymer,,,èshtè dènimi qè duhet tè kalojnè lakejtè e pushteteve.
PërgjigjuPo te kontrolloj teritorin neser kur ta sulmoj serbia e mos te ket me perkrahjen e europes dhe usa kush do ta mbroj albini me kobure apo vjosa osmani me fasule?! Zgjohuni nga endrat se jemi dy popuj te vegjel qe nuk na perfill njeri e mbas amerikes do shkosh se ske cben edhe pse ajo ka huqet e veta… nuk kane dash fort ata miqt pa do shikoje ti si do ndahej mitrovica.. kush do ta pengonte ushtria e kosoves qe eshte plot me barkderi. Mire qe ishte bill clinton se po te ishte per ju do na kishte ardh serbi deri ne burel