Në mesin e viteve ‘90, Azem Hajdari ishte në stres për të shpikur çdo muaj nga një aksion kundër Sali Berishës. Një herë u përpoq të përdorte gazetën “Koha Jonë”, herën tjetër ish- pronarët, një herë tjetër të persekutuarit, në fund sindikatat... derisa e përjashtuan nga PD.
Spartak Ngjela, që në fakt e frymëzonte për shumicën e këtyre aksioneve, sa herë që dështonte, i thoshte me humor.
-Drejtoi “Pasqyrën” Marshalli, na e dogji anijen.
Ishte fjala për pasqyrën e famshme të Arkimedit për të djegur anijet armike në Sirakuzë ne betejat mes grekëve dhe romakëve për qytetin e Sirakuzës.
Pak a shumë kjo po i ndodh tani Sali Berishës me SHBA. Atë pushtet që ai kishte në atë kohë kundër Azemit ne Shqipëri, SHBA e ka kundër tij ne gjithë boten.
Për të tërhequr vëmendjen e SHBA, për të krijuar një mundësi që dikush ta përfilli qoftë dhe duke e thirrur në telefon, ai po bën sikur po shpik ndonjë politikë të re të jashtme të Shqipërisë. Të fundit që shpiku sot ishte thirrja që “t’i bashkohemi Bruskelit duke braktisur Beogradin.”
Në fakt, kuptimi i vërtetë shprehjes është si t’i shkëputemi SHBA, por atë nuk e thotë dot. Dhe për këtë, çdo ditë mendon se si të ngrejë ndonjë kurth të vogël që të ketë mundësi të thotë “ja këta nuk janë me Brukselin, janë me Beogradin”.
Kështu bëri me përpjekjen për “rezolutë” për Srebenicën, me përsëritje të rezolutave për Kosovën në Parlament, duke shtuar një term juridikisht të përkufizuar nga e drejta ndërkombëtare që është “genocidi”, apo me betejën kundër “Ballkanit të Hapur”.
Por siç i ndodhte të ndjerit Azem që sa herë shpikte diçka për t’i tërhequr vëmendjen Berishës, ky i drejtonte pasqyrën dhe ja digjte anijen, ashtu dhe SHBA, sa herë ky përpiqet te bëhet interesant duke shpikur një politikë të re të Shqipërisë, ja djeg letrat duke mbështetur politikën e jashtme të Shqipërisë.
Në ditën që Berisha bënte thirrje të shkëputemi nga Beogradi, gjenerali më i rëndësishëm amerikan në NATO i premtonte Shqipërisë bazën e dytë ushtarake detare në Pashaliman.
Sapo ky e shpalli “Ballkanin e Hapur” projekt të Serbisë, ambasadori amerikan në Kosovë e vlerësoi si projekt të së ardhmes, që ka vlerë të mbështetet nga gjithë vendet e rajonit.
Sa herë ky bën sikur është me Brukselin kundër Beogradit, Brukseli konfirmon mbështetjen e fortë të Shqipërisë dhe kërkon hapjen e negociatave.
Arsyeja është se aleatët që kërkon Sali Berisha kundër Shqipërisë, janë ata që janë kundër Perëndimit dhe në krye të tyre në fakt është Beogradi dhe Rusia. Ndaj dhe përpjekjet e tij janë qesharake, pasi bën sikur lufton atë që në fakt kërkon të jetë me të.
Kjo është arsyeja që nuk po ja del dot të gjejë qoftë dhe një aleat që t’i mbështesë idetë e tij të “reja” për politikë të jashtme të Shqipërisë që janë kundër Perëndimit. Deri tek Tritan Shehu ka sukses. Por dhe ai ngaqë s’ka ndonjë ofertë tjetër.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
Vetem se pasqyra ka vetine te ekspozoje fytyren e vertete pa larshmerine e maskave. Dhe si "djegia" nga lajmi i bazave detare te Nato apo "integrimi" jane maska qe sado te mbuloni fytyren me keq u shemtojne sa kohe qe si e para dhe e dyta kane vulen e Berishes.
PërgjigjuIntegrimi dhe NATO janë fytyra e Berishës gjer kur SHBA zbuloi interesat e fshehta, korruptive për familjen, dhe në dem te demokracisë së brishtë Shqiptare. Sot e dimë të gjithë atë që ka bërë për Shqipërinë, dhe atë që ka bërë për interesa të familjes dhe ortakëve të tij politike. Pra kjo është fytyra e vërtetë e Berishës dije, sot, dhe, edhe pas largimit fizik të tij nga kjo jetë.