Ashtu si Albin Kurti në Kosovë, edhe Ilir Meta në Shqipëri mori pozicion të qartë në zgjedhjet që zhvillohen në Republikën e Maqedonisë së Veriut, duke mbështetur partinë nacionaliste të Nikolla Gurevskit, VMRO-DPMNE. Në postimin e tij zyrtar, Ilir Meta u bën thirrje shqiptarëve të votojnë partinë që udhëheq frymën antiperëndimore në Maqedoninë e Veriut dhe që disa aleatë të saj janë dhe për tërheqjen e njohjes së Kosovës.
Ndryshe nga Albin Kurti, i cili në fakt e ka betejën me Ali Ahmetin, si ish-komandant UÇK, pasi nuk duron dot njerëz të UÇK në politikë, ngaqë i bëjnë hije, Ilir Meta, ka tjetër simbolikë mbështetje.
Ilir Meta ka qenë njeriu më i shqetësuar për arrestimin e Gruevskit në Shqipëri dhe ka ndihmuar arratisjen e tij përmes Shqipërisë në Mal të Zi, duke kaluar më parë nga Lalzi.
Më shumë se sa një raport personal me Gruevskin, atë e lidhi në mënyrë instiktive, fati i ngjashëm që mund të pësonin politikanët shqiptarë nga drejtësia këtu dhe vazhdimisht e komentonte dënimin e tij si politik dhe të motivuar nga Perëndimi.
Për këtë arsye ai po mbështet hapur partinë e tij, pasi një fitore e mundshme e saj, që në fakt ka plot gjasa, ai e shikon si një rreze shprese për anulimin e dënimit të Gruevskit dhe si një leksion për vende si Shqipëria që po eksperimentojnë përndjekjen e politikaneve në pushtet këto tridhjet vite.
Nga ana tjetër, i sigurt se partia e Gruevskit do të fitojë, Meta synon ta përdorë këtë si një mundësi që dhe në Shqipëri mund të fitojnë personat “non grata” dhe mund ta tejkalojnë betejën me perëndimin, me votë popullore.
Pra ai po përpiqet të përdor shembulin e Shkupit, kur një parti e ish-kryeministrit “non grata” dhe arratisur në Hungari, arrin të fitojë, çka është një analogji e mirë për partinë e Berishës dhe pse jo dhe partinë e tij, si kandidat për drejtësinë e re apo “non grata’.
Por mbi të gjitha mbështetja për partinë antiperëndimore të Gruevskit, Meta e bazon dhe mbi faktin që qeveria shqiptare edhe nën ndikimin e Perëndimit, ka luajtur në zgjedhjet e kaluara rol vendimtar për mosmarrjen e pushtetit nga partia e Gruveskit, duke unifikuar faktorin shqiptar dhe duke ja çuar votat koalicionit properëndimor.
Tani situata nuk është më njësoj. Faktori shqiptar është përçarë nga Albin Kurti dhe Meta thjesht po mbështet përçarjen e tij.
Me këtë rast kanë shanse të hakmerren ndaj Edi Ramës, të cilin nuk e mundin dot në Shqipëri, por së paku gëzohen që e mundin në Mal të ZI dhe Maqedoninë e Veriut.
Komente
Lajme të tjera
-
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
VIDEO - Monika Kryemadhi në GjKKO, shpërthen ndaj gazetarëve: Na e morët shpirtin! S’na latë rehat me marr frymë
13 Dhjetor, 13:36 -
34-vjetori i themelimit të PD, Meta uron Berishën nga burgu: PD më e bashkuar! 2025 do të jetë viti i një ndryshimi historik
12 Dhjetor, 11:16 -
PD feston 34-vjetorin, Berisha ‘thur lavde’ për dhëndrin, Metën dhe ish-‘miqtë’ e tij të ndjerë Olldashi, Pashko, Hajdari dhe Bogdani
11 Dhjetor, 20:57
Bureto 15 Prill 2024, 12:05 Në këtë rast, paralelet që hiqen midis realiteteve politike në Shqipëri dhe RMV, janë irreale. Metaj mund të dojë t'i ngjajë Gruevskit, mbase dhe e ka ndihmuar për t'u arratisur, por harron se pas Gruevskit qëndron një parti e madhe, më e madhja në RMV, që merr votat e elektoratit nacionalist maqedon, që jo domosdoshmërisht është antiperëndimor. Atjeka vërtet një partiçkë si puna e partiçkës së Metes, që është proruse, pra antiperëndimore, por ajo thjesht është në koalicion me VRMO-n e Gruevskit. Në të kundërt në Shqipëri, as ka patur dhe as ka parti nacionaliste. Partia e Metës nuk ka qenë ndonjëherë parti qeverisëse dhe s'ka për të qenë kurrë. Nëpërmjet konjukturave ka mbijetuar vetëm duke iu bashkëngjitur PD në 2009 dhe PS në 2013. Kaq ka qenë roli i saj si partiçkë, sa i takon qeverisjes dhe nuk do të ndodhë më. Në të kundërt partia e Gruevskit ka qenë dhe ka gjasa të jetë parti qeverisëse, sepse brenda elektoratit maqedone ajo, përkundër LSDM në numra është e para. LSDM, kur ka qeverisur, ka ndodhur pikërisht nga aleanca parazgjedhore me shqiptarët. Këta kanë qeverisur dge me VMRO, por vartësish numrave në parlament, kanë qenë në koalicion paszgjedhor me ta, që nuk është e njëjta gjë, por që mund të ndodhë përsëri mbas zgjedhjeve të ardhshme. Pra shkurt realiteti politik maqedon është i kushtëzuar nga roli shtetformues dhe determinant i shqiptarëve aty, realitet që në Shqipëri nuk ekziston ndaj dhe paralelja midis Metës me Gruevskin bie. E fundit, Meta bashkë me Saliun, mund t'i ëndërrojnë ato që Mero paramendon, por që realisht në Shqipëri, as që mund të inagjinohen. E para se heqjen e damkës "non grata", si për Gruevskin, ashtu dhe për Sa-lehun, (më pas atë fat ka gjasa ta 'gëzojë' dhe Meta), nuk e bën qeveria e partisë fituese në zgjedhje, siç mund të ndodhë me VRMO në Maqedoni në maj 2024, apo "Rithemelimi" në Shqipëri në prill 2025, paçka se kjo mundësia e dytë është pothuajse zero.
Përgjigju