Ka një përpjekje nga shumë aktorë të opozitës, të cilët në fakt e kanë bezdi të shkojnë poshtë penxheres së Berishës tek rrugica, që të glorifikojnë shfaqjen e përditshme të Berishës, dhe skenat poshtëruese ku poshtë tij e dëgjojnë një tufë gjysmakësh, shumica e të cilëve i çojnë aty devijimet mendore dhe jo qartësia politike.
Për të shmangur bashkimin me ta, me sa duket aktorët e rinj të opozitës, të cilët pasi shpallën bashkimin po përpiqen të fitojnë dhe besimin tek elektorati i Berishës, shkojnë qytet më qytet apo dalin ekran më ekran dhe lavdërojnë shfaqjen e Berishës majë penxheres, si një gjë heroike e pashembullt.
Në fakt e pashembullt është, por është qesharak. Dhe më mirë se të gjithë këtë, e di Berisha.
Ajo që atë e shqetëson, nuk është vetëm mungesa e tyre poshtë penxheres, por fakti që përpiqen ta justifikojnë atë duke u shfaqur si udhëheqës të opozitës.
I pari që po e bën me shumë zell këtë është Ilir Meta. Ai edhe pse ka marrë male e kodra me vrap, asnjëherë se ka mbajtur vrapin tek rrugica. Edhe pse ka hipur mbi çdo hekur që i del para, kurrë nuk është ngjitur deri tek penxherja. Dhe tani po përpiqet ta therorizojë Doktorin majë penxheres.
Të njëjtën gjë po bën Gjekmarkaj, Gazment Bardhi dhe të tjerë, që e kanë vërtet bezdi atë shkuarjen poshtë penxheres. Gjithandej flasin për Berishën dhe për shfaqjen e tij majë penxheres, si një i dërguar nga Zoti “majë penxheres” për opozitën e tyre.
E duan aty majë penxheres, ndërkohë që ata mendojnë se duke glorifikuar poshtërimin e tij, janë në rregull me elektoratin e tij.
Është kjo arsyeja që Berisha po bezdiset dyfish prej tyre. E para, që përdorin poshtërimin e tij si një mënyrë për t’u identifikuar me të dhe e dyta, që po përpiqen ta zëvendësojnë atë në fushën e betejës, ndërkohë që ai betejën e do poshtë penxheres, tek rrugica.
Ndaj dhe nuk është e largët dita që do ta lëshojnë nervat.
Aksioni i tij politik nuk ka të bëjë as me normalizimin, as me prodhimin e udhëheqësve të rinj, as me talljen me bashkimin. Ai do që opozita të jetë në dorë të tij dhe jo në dorë të atyre që bëjnë sikur i qajnë hallin. Dhe që të jenë në dorë të tij, duhet të vijnë çdo natë poshtë penxheres. Dhe nuk është e largët dita që do t’ua heqë vështrimin dhe bekimin për të shkuar qytet më qytet duke i qarë hallin atij majë penxheres, pa ardhur kurrë poshtë penxheres.
Ndryshe nga ata, Berisha nuk e do bashkimin e opozitës për të mundur Edi Ramën, por për mos u dukur vetëm. Që të mos duket vetëm, i duhen poshtë penxheres, jo duke i marrë atij pushtetin duke lavdëruar shfaqjen e tij majë penxheres.
Ndaj është mirë që ata që nuk shfaqen poshtë penxheres, t'ia kursejnë lëvdatat për shfaqjen majë penxheres. Se përveçse i duket sikur tallen me një plak të mbyllur brenda, i duket sikur po i futen në pronën e vet në parti, përmes penxheres së tij./TEMA/
Komente
Lajme të tjera
-
Mero Baze: Lajmi i rremë që tregon aleancën mes Berishës dhe Kurtit në prag të zgjedhjeve
26 Dhjetor, 08:41
-
Edison Ypi: Spiun dhe Bariton
25 Dhjetor, 21:10
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31
ATA E KANË NË TEREZI O MERO. ATHEU YNË I DASHUR, JA QË NXORI EDHE MASKARENJ!! PO PSE NUK THUA,NJË HERË O MERO: KUR KAPEN ATLLARËT SHKELMAT I HANË GOMARËT!!!TË RROJË MASKARALLËKU MERO!!
Përgjigju