Opinion

Mero Baze: Shteti ka nxjerrë qytetarët lakuriq në rrugë

Shqipëria po përballet sot me një skandal të rëndë, që më shumë se sa dëmi që krijon individualisht me të dhënat e ndjeshme të qytetarëve, krijon një mungesë të thellë besimi tek shteti shqiptar.

Mero Baze
22 Dhjetor 2021, 20:15 | Përditesimi: 22 Dhjetor 2021, 20:18

I kuptoj shumë nga problemet që duan të justifikojnë skandalin. E kuptojë se përpjekja për të shkuar drejt një shteti digital dhe përqëndrimi i të dhënave të qytetarëve në portale qeveritare është një prioritet që nuk duhet të ndalet.

Por kjo nuk është një rrugë amatorësh, por një projekt serioz. Shteti digital nuk është faqe interneti amatorësh, nga ato që blihen online dhe krijihen për pesë minuta. Ai duhet të ecë paralel me standartet e larta të sigurisë kibernetike, për të cilën duhet të ketë protokolle sigurie të çertifikuara, njësoj si në shtetet më të zhvilluara.

LEXO EDHE:
Mero Baze: Një hakmarrje ndaj qytetarëve që e kanë braktisur

Një skandal i tillë do të mjaftonte që të bien poshtë gjithë nismat e shërbimeve online dhe reformat drejt shtetit digital, pasi fare papritur dikush mund të hakerojë llogaritë privatë të 3 milionë shqiptarëve ne “e-albania” dhe aty mund të dalin jo vetëm rrogat, por dhe ilaçet që ke marrë, dhe çdo e dhënë tjetër personale.

Skandali i publikimit të pagave, nga ana tjetër është një shantazh mbi shoqërinë dhe një përpjekje për të denigruar mijëra njerëz të sektorit privat, që marrin paga të larta. Nuk ka asnjë kuriozitet për pagat e shtetit, pasi ato janë publike dhe të miratuara me VKM.

Fakti që të gjithë ju turrën disa gazetarëve apo menaxherëve me paga anormale, tregon se skandali ka pasur dhe një prapavijë politike, për të nxitur një linçim ndaj tyre. Me disa prej tyre dhe po spekulohet, dhe pse jo mund të shkaktojë probleme për sigurinë e tyre.

Fjala vjen, paga e Ben Blushit prej 240 milionë lekë të vjetra në muaj, trondit çdo njeri që e dëgjon, por në fakt ka qenë bonusi vjetor i marrë në muajin janar të këtij viti. Nuk është normal as si bonus, pasi është gati sa paga vjetore e presidentit të SHBA, por këto janë marrëdhënie kontraktuale brenda kompanisë.

Ky skandal nuk mund të kalohet me njoftimin për fillimin e hetimeve. Ky skandal ka nevojë për të ndaluar sot çdo njeri që ka pas qasje në listë-pagesën e shtetit shqiptar, derisa të zbulohet kush prej tyre e ka nxjerrë. Duhet sekuestruar çdo mjet kompjuterik i tyre, çdo telefon, dhe duhet gjurmuar çdo qasje e tyre në këtë server.

Nuk ka rëndësi nëse këtu kanë pasur qasje dhjetë apo njëmijë vetë. Të gjithë duhen ndaluar derisa të gjendet autori. Dhe autori duhet të dënohet në atë masë, që çdokush që do të tentojë ta bëjë për herë të dytë, duhet të llogarisë nëse duhet ta ngrysë jetën në burg, apo në shtëpi.

Deklaratat qesharake se ai është dokument ilegal, apo broçkulla të tjera, janë thjesht justifikime të një administrate të papërgjegjshme. Ndërkohë qeveria shqiptare duhet t’i këkrojë urgjent Gjykatës së Lartë në Shqipëri apo Gjykatës Kushtetuese, ta shpallë antiligjore botimin e tyre në shtyp dhe rrjetet sociale, pasi rrezikon sigurinë e qytetarëve. Nëse ka indicie per hetime, atë e bën vetë Prokuroria.

Kjo është goditja më e rëndë që serioziteti i shtetit shqiptar ka marrë prej vitit 1997, kur letrat e shtetit dolën rrugëve, por jo në këtë masë dhe me kaq lehtësi, sa të jep shansin teknika digitale.

Kjo është njësoj sikur një punonjës banke të publikojë gjendjen e depozitave apo kreditë e çdo qytetari, dhe pastaj banka të thotë ai dokument nuk është legal. Sa të sqarojë këtë punë, banka ka rënë. Njësoj është dhe me seriozitetin e shtetit në këtë rast. Nëse nuk vepron fort dhe me ashpërsi, besimi ndaj dorëzimit të të dhënave personale, do bjerë në zero. Dhe bashkë me to, dhe besimi tek shteti, i cili i ka nxjerrë qytetarët e vet lakuriq në rrugë, në mëshirë të Zotit.

(P.S Për ata që po bëhen gati të më pyesin, unë e kam pagën 95 mijë lekë (te reja) në muaj. Korrekt ishte dhe aty.)

TAG:

Komento

Komente

Emigranti: 23/12/2021 07:51
Ta gezoni Shqipërinë!!
Përgjigju
Gazi: 23/12/2021 04:16
Dhe mendova cne Mero shkruan kunder shtetit. Ai e paska per rrogen e vet dhe sojit te tij. Hajde tuaf hajde.
Përgjigju
E semura paraplegjike: 22/12/2021 23:54
PSE DUHET TA KETE.BLUSHI..CANI,,ENI VASILI.TURJAN HYSKO RROGEN KAQ TE LARTE..CFARE BENI CANI DHE VASILI....ASGJE..VEC DREJTOJE EMISIONE...ASNJE BAMIRESI NUK BEJNE KETA PLEHRA TE GJITHE,,,SHTETI TUA TAKSOJE RROGEN ME 40%...DHE PARATE E MBLEDHURA TUA JAPESH ATYRE ME NDIHME EKONOMIKE,,OSE PARAPLEGJIKET,,,,,SI NUK KANE TURP NJEHERE,,,QE MARRIN RROGA KAQ TE LARTA,,KUR SHUME NJEREZ MEZI SHTYJNE MUAJIN...HELM E ILACE I BEFSHI ATO PARA....o llumi I kombit...
Përgjigju
Tani: 22/12/2021 22:42
Mesim per here tjeter. Kush nxjerr datafile nga sistemi beheni me autorizim. Dhe vendosni sisteme backup sistematike sepse fshirja e te dhenave rezikon ekzistencen e vet shtetit.
Përgjigju
Shteti: 22/12/2021 22:41
Shteti qe ti perkrah mor kelysh i padobishem
Përgjigju
Elton: 22/12/2021 22:16
Po ik o Mero se je kot, paga tregon dhe sa i afte dhe sa i rendesishme je, ku ti ku blushi me canin. pastaj vl kryeministri i 5300 ne liste, paska 5299 qe bejne me shume pune
Përgjigju
Tutu: 22/12/2021 22:00
Mero mos ja fut kot… nga ky muhabet tremben ata qe marrin disa rroga njeheresh edhe pse kurre nuk e plotesojne 8 oreshin ndonjehere… kjo eshte pamja reale e shoqerise shqiptare… ku te gjithe dalin lakuriq para shoqerise… se sa kontrobuojne dhe sa i zhvatin asaj… nuk eshte prekur asnje siguri kombetare pervec asaj sigurise individuale per te zhvatur sa me shume ketij populli te shkrete… quajeni nje wikileaks shqiptar e kaq…kutia e Pandorez u hap… po nga ajo doli veç era mut…!!
Përgjigju
Alb: 22/12/2021 20:27
240 milion lek ne muaj ben blushi sikur eshte elon musk dmth nje perqindje e gdp se shqiperis ika per ben blushin ne vit.
Përgjigju
- Loni: 23/12/2021 14:42
  Hahahah ska mundesi 240 Jan fort fare si pagese... Apo shpenzime te detyrueshme... 240 milion leke ne muaj mos ka qen 24 milion...
- andon: 22/12/2021 21:19
  na e coni linkun dhe ne hahahahh