Merr fund saga "Xhaka", Panucci 
rihap derën për lojtarin e Baselit

Vijnë lajme të mira për Kombëtaren Shqiptare përpara ndeshjes me Lihtenshtejnin në 2 Shtator.

Mesfushori Taulant Xhaka do të rikthehet në fushë e lojës me fanellën kuqezi.

Trajneri i sapoemëruar i Kombëtar së Shqipërisë Christian Panucci ka vendosur të hapë derën e ekipit kombëtar për 26-vjeҫarin e Basel-it.

Panucci ka ndjekur mesfushorin me tipare mbrojtëse të ekipit zviceran në ndeshjen që ekipi i tij zhvilloi me Luzernën.

Prej disa kohësh Taulant nuk aktivizohet nga minuta e parë me fanellën e kampionëve të Zvicrës.

Me ardhjen e trajnerit të ri Raphaël Vicky, Xhaka nuk bën pjesë tek lojtarët e preferuar të trajnerit 40-vjeҫar zviceran për të mbuluar repartin e mesfushës.

Kjo nuk e ka penguar Panuccin t 'i besojë sërish rolin e mesfushorit shqiptarit të Baselit.

Granit Xhaka deklaroi në muajin mars të këtij viti se do të largohej nga Kombëtarja shqiptare.

Mosmarrëveshjet me ish-trajnerin De Biasi dhe mungesa e komunikimit mes të dyve e nxiti lojtarin e Basel-it të deklaronte shkëputjen nga Kombëtarja.

Krisja e marrëdhënieve mes të dyve nisi që ndeshjen me Zvicrën në vigjilje të Kampionatit Europian që u zhvillua në Francë vitin e kaluar, ku Xhaka shpërtheu në inat e sipër pasi u zëvendësua në minutën e 61-të nga Ergys Kaҫe.

Në intervistat në vazhdim, ai argumentoi se ishte larguar nga ekipi kuqezi sepse në skuadër po luanin lojtarë që militonin në ligat e dyta të kampionateve të Europës, mosbërjen e qartë të shkakut të mosthirrjes në Kombëtare nga De Biasi dhe mungesa e përgjigjes nga ana e italianit.

Përplasja mes të dyve u bë publike pas shumë kohësh në media.

Me De Biasin e larguar, Taulant Xhaka ka sërish mundësinë të japë më të mirën me Kombëtaren e Shqipërisë.

Ai numëron 18 prezenca me fanellën tonë.

Redaksia Online
d.v./shqiptarja.com

TAG:
• OSBE