U vendosnin gjoba farmacive që bënin kontrabandë, SPAK dërgon për gjykim 3 zyrtarët, një prej tyre i biri i një ish prokurori! Merrnin ryshfet për të mos ndëshkuar shkeljet

TIRANË- SPAK ka dërguar për gjykim 3 zyrtarët të cilët u arrestuan më 27 janar të këtij viti pasi u vinin gjoba farmacive. Dy specialistët Luan Çiçi, djali ish prokurorit të Krujës, Armando Luka dhe përgjegjësja e Agjencisë së Barnave Besiana Xhelili merrnin 30 deri në 50 mijë lekë që mos ndëshkonin farmacitë e kryeqytetit në gjoba kur konstatonin shkelje.

Si funksiononte skema e tre bashkëpunëtorëve?

Besiana Xhelili, e cila ishte përgjegjëse e Agjencisë së Barnave në Tiranë, pavarësisht se në organikën e punës kishte në dispozicion 15 punonjës si specialistë për të kryer kontrolle nëpër farmaci, dërgonte vetëm Luan Çiçin dhe Armando Lukën. Të dy, në marrëveshje me eproren e tyre Xhelili merrnin ryshfet tek kompanitë e barnave farmaceutike dhe farmacitë dhe në vijim përshpejtonin procedurat kur i gjenin në shkelje. Pasi merrnin paratë, të tre i ndanin me njëri-tjetrin.

LEXO EDHE:
I mori 1 mijë euro ryshfet të moshuarës për t'i zgjidhur çështjen, GJKKO dënon me 3 vite burg oficeren gjyqësore në Elbasan! Anila Dushës i kthehet në 4 vite shërbim prove

Babai i Luan Çiçit, prokurori Bujar Çiçi, rezulton të jetë shkarkuar një herë nga detyra në vitin 2008 me kërkesë të kryeprokurores së asaj kohe, Ina Rama dhe vendim të Presidentit për shkelje të rënda me detyrën. Për prokurorin Çiçi, në vitin 2014 u morën masa administrative nga Inspektorati i Lartë i Deklarimit dhe Kontrollit të Pasurive dhe Konfliktit të Interesave për mos deklarim në kohë të pasurisë.

TAG:
• ryshfet
• Bujar Çiçi
• armando luka
• luan cici

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1492

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq