POP 5

Lajmet më të lexuara të 5 minutave të fundit

Kronikë

Akuzohen se morën para për provimet, Gjykata e Elbasanit: Arrestimi i pedagogëve i paligjshëm! Çështja i kalon SPAK

Gjykata e Elbasanit ka nxjerrë nga qelia 6 pedagogët e Universitetit ‘Aleksandër Xhuvani’, të cilët akzuohen se morën para për të kaluar studentët në provime, ndërsa në burg është lënë sekseri Gazmend Hodaj.

Elbasan- Gjykata e Elbasanit ka nxjerrë nga qelia 6 pedagogët e Universitetit ‘Aleksandër Xhuvani’, të cilët akzuohen se morën para për të kaluar studentët në provime, ndërsa në burg është lënë sekseri Gazmend Hodaj.

Pas 3 orësh e 30 minutash seancë Gjykata e ka cilësuar të paligjshëm arrestimin e tyre, duke vendosur masën detyrim paraqitje, si edhe pezullim nga detyra. Gjykata ka shpallur moskopetencën dhe çështja i kaloi SPAK-ut.

Gjykata ka caktuar detyrim paraqitje për pedagogët: Ornela Bilali, Zyhra Gripshi e Monika Hodaj, Adrian Shingjergjin, Beatriçe Ganin e Florinda Tarushën  Ndërsa, pedagogia Edlira Gugu, është ende në kërkim.

Pedagogët u arrestuan më datë 1 nëntor, ku pas një hetimi disamujor organi i akuzës ka zbuluar se pedagogët vendosin nota kaluese kundrejt ryshfetit, por ditën e sotme ata u liruan.

Sipas Prokurorisë, në materialet e sekuestruara janë gjetur prova të mjaftueshme materiale si para, fletë provimi apo biseda telefonike, ndërsa pedagogeve u janë sekuestruar edhe telefonat dhe gjithashtu në pyetje do të merren edhe studentë.

Dyshohet se ata kanë shfrytëzuar postin për të ndikuar si tek pranimet e reja ashtu edhe tek nota kaluese e studentëve të mësuesisë. Lidhja mes pedagogëve dhe studentëve kryhej nga shtetasi Gazmend Hodaj, i cili luante rolin e sekserit.

Pedagogët përfitonin nga studentët shuma parash që varionin nga 150 deri në 500 euro. Hetimet mësohet se kanë nisur gjatë sezonit të vjeshtës, pasi studentët kanë denoncuar marrjen e ryshfetit përkundër notës kaluese. 

Emrat e pedagogëve të lënë në detyrim paraqitje:
1. Ornela Bilali, 50 vjeçe, Lënda: Arti dhe krijimtaria në fëmijërinë e hershme.
2. Zyhra Gripshi, 37 vjeçe Lënda: Puna me familjen dhe komunitetin.
3. Adrian Shingjergji, 61 vjeç,  Lënda: Edukimi motorrik dhe lojërat lëvizore.
4. Beatriçe Gani, 58 vjeçe Lënda: Të mësuarit nëpërmjet lojës.
5. Florinda Tarusha, 56 vjeçe, Lënda: Filozofi e edukimit.
6. Monika Hodaj, 49 vjeçe, Lënda: Edukim gjinor ne fëmijërinë e hershme.
 7. Gazmend Hodaj, 59 vjeç, sekser
Në kërkim
1. Edlira Gugu, Lënda: Letërsi për fëmijë.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Kush është Pam Bondi, e emëruara e Trump për postin e prokurores së përgjithshme?

Kush është Pam Bondi, e emëruara e Trump për postin e prokurores së përgjithshme?

2 Janar, 20:04