POP 5

Lajmet më të lexuara të 5 minutave të fundit

Kronikë

Arrestohen 5 zyrtarë dhe ish-punonjës të Hipotekës në Korçë, merrnin para për regjistrim pasurish

Policia ka arrestuar të mërkurën 5 zyrtarë të lartë, punonjës në Drejtorinë e Hipotekës në Korçë, pasi akuzohen se kanë përfituar në mënyrë të paligjshmë para, përmes dhënies së dokumentave fiktivë qyterarëve, duke u dhënë atyre çertifikata të rreme pronësie.

Arrestohen 5 zyrtarë dhe ish-punonjës të Hipotekës në Korçë, merrnin para për regjistrim pasurish

Foto Ilustruese

5 zyrtarë të lartë punonjës në Drejtorinë e Hipotekës në Korçë kanë përfunduar në prangat e policisë këtë të mërkurë ndërsa akuzohen se kanë përfituar në mënyrë të paligjshmë para, përmes dhënies së dokumentave fiktivë qyterarëve duke u dhënë në këmbim çertifikata të rreme pronësie.

Sipas policisë mësohet se të arrestuarit janë shtetasit,  Leftjon Bardho 33 vjeç, Ersild Gorari, 34 vjeç, banues në fshatin Barç, Arsidesa Hysi, 28 vjeçe Erjon Arif, 36 vjeç, Andrea Zallëmi, 65 vjeç të pestë këta banues në Korçë.  Mbi ta rëndojnë akuzat se në bashkëpunim me njëri-tjetrin, dyshohet se i'u kanë marrë qytetarëve, sasi lekësh duke i'u përpiluar dokumenta fiktive, për regjistrim pasurish të cilat rezultonin me probleme në përfitimin e çertifikatës së pronësisë.

Njoftimi i policisë:

Specialistët e Seksionit për Krimin Ekonomik-Financiar, në Drejtorinë Vendore të Policisë Korçë, bënë ekzekutimin e urdhërit të Prokurorisë, për zbatimin e vendimit të Gjykatës së Shkallës së Parë Korçë, për ndalimin e shtetasve: 
• L.B, 33 vjeç, banues në Korçë, (me detyrë ish-Drejtor në ZVRPP-Korçë).
• E.G, 34 vjeç, banues në fshatin Barç, (ish-punonjës në ZVRPP-Korçë)
• A. H, 28 vjeçe, banuese në Korçë, (me detyrë regjistruese në ZVRPP-Korçë) të tre për veprat penale parashikuar nga nenet 248, 143/2, 186, 192/a të Kodit Penal.
• E. A, 36 vjeç, banues në Korçë, (ish-punonjës në ZVRPP-Korçë) nenet 143/2 dhe 186 të Kodit Penal, 
• A. Z, 65 vjeç, banues në Korçë, neni 245/1 i Kodit Penal.


Ndalimi i tyre u bë pasi, Gjykata e Shkallës së Parë Korçë, me vendim datë 05.12.2018, ka vendosur për këta shtetas, masën e sigurisë "Arrest me burg" pasi në bashkëpunim me njëri-tjetrin, dyshohet se i'u kanë marrë qytetarëve, sasi lekësh duke i'u përpiluar dokumenta fiktive, për regjistrim pasurish të cilat rezultonin me probleme në përfitimin e çertifikatës së pronësisë.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme hetimore.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

GOLAT/ Fitore ‘me dhunë’, Real Madrid mposht 3-0 Mallorcan dhe gjen Barçën në finalen e Superkupës së Spanjës

GOLAT/ Fitore ‘me dhunë’, Real Madrid mposht 3-0 Mallorcan dhe gjen Barçën në finalen e Superkupës së Spanjës

10 Janar, 09:20