Qyteti i Fierit ka ndezur dritat e pemës së vitit të ri pasditen e kësaj të diele (6 dhjetor).
Shumë qytetarë u mblodhën në qendër të qytetit për të shijuar atmosferën e krijuar mes këngëve dhe zbukurimeve festive.
Qytetarët e mbledhur, sidomos fëmijët numëruar prapsht e më pas u ndezën dritat.
Gjithashtu qytetarët shijuan dhe një spektakël me fishekzjarre.
Atmosfera e festave të fundvitit ka trokitur dhe në qytetin e Belshit ku janë ndezur dritat e pemës së Vitit të Ri.
Pema është vendosur në pedonale në qendër të qytetit.
Në ndryshim nga qytetet e tjera, qendra nuk ishte e mbushur me njerëëz kjo për shkak edhe të reshjeve të shiut që kanë përfshirë vendin.
Gjithashtu edhe pemët që përshkojnë pedonalen e Belshit janë zbukuruar me drita të shumtë.
KOLONJË - Era e fortë që ka përfshirë vendin tonë ka rrëzuar pemën e Vitit të Ri në Kolonjë pasditen e sotme.
Pema është rrëzuar në sheshin e këtij qyteti pikërisht në datën simbol të vendosjes së saj, 6 dhjetor.
Pasi u rrëzua, punonjësit e bashkisë së Kolonjës po punojnë për ringritjen e saj si dhe përforëcimin në mënyrë që të mos ketë përsëritje.
Pema u vendos vetëm pak ditë më parë, ku kryetari i Bashkisë Erion Isai ndezi dritat për të krijuar kështu një atmosferë festive.
Pema e rrëzuar dhe punonjësit e bashkisë që punojnë për ta ringritur
DURRËS- Atmosfera festive ka mbërritur në qytetin e Durrësit! Dritat shumëngjyrëshe në sheshin kryesor janë një shenjë e lënies pas të një viti i cili nuk ka qenë aspak i mirë për të gjithë qytetarët, specifikisht për durrsakët të cilët u goditën nga dy tragjedi të mëdha, nga tërmeti dhe COVID-i.
Kryebashkiakja Emirjana Sako shkruan se me këtë atmosferë festive përvillet mesazhi i fort, që Durrësi nuk rrëzohet kurrë.
"Ndezëm dritat e pemës së festave të fundvitit.
Të gjithë ne qytetarët e Durrësit kaluam një vit mjaft të vështirë si pasojë e tërmetit dhe pandemisë.
Por me këtë atmosferë festive që kemi krijuar në qytet duam të japim mesazhin se jeta është më e fortë se gjithçka, se Durrësi nuk rrëzohet kurrë, se ringritja e qytetit ka filluar vrullshëm, se Durrësi do të jetë më i bukur dhe më i fortë se më parë. Gëzuar Festat", shkruan ajo.
Atmosfera e festave të fundvitit ka trokitur edhe në qytetin e Korçës edhe në këtë vit të pazakontë! Ndezja e dritave dhe dekori festiv i kanë sjellë qytetit juglindor madhështinë dhe bukurinë e festave të dhjetorit. Ndryshe nga vitet e kaluara Korça u ndriçua nën një ceremoni simbolike me shpresën dhe urimin se të gjithë bashkë do ia dalim.
Kalendari festiv për këtë muaj do të jetë më i kufizuar për shkak të situatës së pandemisë, por Korça duke iu përshtatur kufizimeve do të ruajë traditën e saj të festave. Kështu u shpreh kreu i Bashkisë së Korçës Sotiraq Filo.
Si çdo vit kjo ditë sjell për qytetarët, por dhe turistët që vizitojnë Korçën atmosferën e bukur të festave të fundvitit, gëzim, shpresë dhe besimin për një vit më të mbarë.
VIDEO/ Drita shumëngjyrëshe dhe në qytetin e Korçës
Lajme të tjera
-
Gjykata e Fierit sekuestron mbi 1 mln euro pasuri të financuesit të laboratorit të kokainës në Frakull! Dhjetëra apartamente në Tiranë e Durrës (EMRI+LISTA)
27 Nëntor, 10:46 -
Fier/Përplasi për vdekje 61 vjeçaren, arrestohet autori! E la në mes të rrugës
26 Nëntor, 13:48 -
E rëndë në Fier/ Gruaja bie nga kati i shtatë i pallatit, ndërron jetë
26 Nëntor, 13:06 -
Fier/ Një grua gjendet e plagosur rëndë anash rrugës, vdes më pas në spital! Dyshohet se u aksidentua nga një mjet, hetime për drejtuesin
25 Nëntor, 19:10 -
Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh
24 Nëntor, 19:34
-
Bardhi takim me strukturat e PD në Divjakë, thirrje dhe për protestën e të martës në Tiranë: Fermerët kanë mjaftueshëm arsye!
24 Nëntor, 19:21 -
Tentoi të vriste 47 vjeçarin në Fier, arrestohet pas 3 vitesh
24 Nëntor, 10:39 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Moti i keq në Fier/ Disa fshatra pa energji elektrike
22 Nëntor, 18:51 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
-
Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat
22 Nëntor, 17:00
