Frendo: Mos lejoni ta drejtojë virusi jetën por Krishti! Ishim viktimë e materializimit! Pashkët u 'shkojnë' në shtëpi mirditorëve

Në një ditë kur kisha e "Shna Ndout" në Laç duhet të gumëzhinte nga besimtarët e shumtë për të festuar Pashkët, është krejtësisht e boshatisur dhe e heshtur. Këtë pamjen për herë të fundit kjo kishë mund ta ketë provuar në komunizëm, e sot po e përjeton sërish për shkak të pandemisë së koronavirusit.

Ndryshe nga herët e tjera, ky vend i shenjtë të dielën e Pashkëve ka pasur shumë pak besimtarë nga qyteti i Laçit, pasi ritualet fetare janë mbyllur si pjesë e masave për të parandaluar përhapjen e COVID-19 dhe vendi ndodhet në karantinë.

Të gjitha ritualet për Pashkët janë kryet në kisha të boshatisura, ku besimtarëve u është bëri thirrje që të qëndrojnë në shtëpitë e tyre dhe të mos lejojnë që një virus të shkatërroj jetët e tyre.

Në Rrëshen, në kushtet e  karantinimit, Pashkët u kanë shkuar në shtëpi besimtareve. Ata kanë marrë urime nga anëtaret e stafit të kishës të cilët, pas kremtimit të meshës së shenjtë në katedrale kanë ecur nëpër rrugët e Rrëshenit.

Nga ballkoni i arqipeshkvisë së Shkodrës monsinjor Massafra bekoi qytetin me lutjet që kjo pandemi të marrë fund sa më parë. Të gjithë besimtarët ritualet për Pashkën këtë vit i kanë kryer nga shtëpia pasi pjesëmarrja në meshë ka qenë e ndaluar për shkak të koronavirusit.

Arqipeshkvi i Shkodrës Angelo Massafra në meshën e mbajtur pa praninë e besimtarëve u ndal tek situata e pandemisë që ka prekur vendin, një situatë e cila nuk do të arrijë të gjunjëzojë njerëzimin ndërkohë që një lutje të veçantë kishte për mjeket dhe infermieret.

'Sivjet jemi duke përjetuar një kohë të pashkëve një zbraptësi, mungesa e besimtarëve. Por e dimë shumë mirë, edhe në këtë mbrëmje jemi duke kremtuar pashkën me dyer të mbyllura për të evidentuar që pandemia të përhapet më shumë. Fakti që këtë meshë live për të qenë afër besimtarëve. Cdo ditë vdesin mijëra pa miq dhe familjarë, vetëm me ndihmën e mjekëve dhe infermierëve dhe lusim Zotin të na shpëtojë nga kjo pandemi.

Të jemi më të dashur dhe solidarë. Virusi nuk bën dallime, mes të pasurve dhe jo. O Zot na ndihmo mos të jemi prekur. Krishti është me ne, dhe nëse Zoti është me ne, nuk do të kemi frikë nga askush, as nga pandemia, vetëm shumë kujdes, të duam veten dhe të tjerët më shumë. Se shumë e nënvlerësojnë. Edhe nëse shteti do të lehtësojë disa udhëzime, të kemi kujdes, sa më shumë të respektojmë normat, më shpejt do të kalojmë këtë kohë" tha ai.