Mesazhi i Tarameles

Mesazhi i Tarameles

 

Jemi kështu ne shqiptarët. Cilido të dalë në sipërfaqe në një moment, ne të gjithëve, si në një fshat të madh, na kapin emocione të ndryshme: dikush përshëndet e dikush shan. Emocionet në këtë vendin tonë të vogël janë të shumëfishuara; dashuria, por edhe urrejtja kapin maja dhe ekstreme që nuk mund t’i kapin dot në një vend më të madh.

Vogëlushi Xheison Bafti, i bërë i njohur në emisionin “Në kurthin e Peter Pan” mori zemrat e shumë shqiptarëve. Xheison ka lindur kështu: i ëmbël, i dashur, i shpenguar dhe me K që e thotë T tani për tani. Ka lindur në fshatin Myshqeta.  Ja ky “defekt” i vogël në shqiptim e bën atë akoma më të bukur. Në rrjete sociale shumica e duan, nuk mund të jetë ndryshe: Xheisoni dhe historia e tij i bën për vete të gjithë. Shumë kontribuan për shtëpinë e tij, ndërsa disa, me lupën e “ekspertëve” bëjnë të pamundurën për ta prishur këtë festë dhe gëzim: “Ja si shfrytëzohen fëmijët, ja si përfitojnë famë e lavdi…”. Është kollaj të bëhesh moralist apo “heaters” nga kompjuteri i shtëpisë. Është e vështirë të bësh qoftë edhe një hap për të hequr diçka nga e përditshmja jote e për t’ja dhuruar qoftë edhe një njeriu të vetëm, në shtëpi, në lagje, në qytet apo në Shqipëri.

Asnjë prej nesh nuk është perfekt. Dritëhijet, ashtu si nata me ditën, e mira me të keqen janë të ndërthurura tek çdo njeri.  Por është ndryshe dhe del më i fituar ai që hap zemrën e tij dhe në momente të vështira ndihmon një person, një qytet, një vend, pasi e mendon si veten e tij.

Mund të diskutojmë 1000 gjera se si duhet të jetë perfekt një emision për fëmijë, po kush është perfekt e pa mëkat në Shqipëri? Ama një dallim është thelbësor e shumë i rëndësishëm: Nga një anë janë njerëzit që duan të ndërtojnë, përmirësojnë e falin dashuri, e nga ana tjetër ata që duan vetëm të marrin, të shkatërrojnë e të urrejnë me sa kanë fuqi.

Ja, në gjithë këtë ndarje, në gjithë këtë konflikt që mban në tension për vite të tëra një vend të vogël si i yni del një vogëlush, që me pafajësinë e të natyrshmen e tij vjen si një mesazh për të gjithë: Nuk e dini sa shumë ka dhënë Taramelja e vogël. E vërtetë, ai u bë me shtëpi dhe ka qindra fëmijë të tjerë që e ëndërrojnë një të tillë, por ama Taramelja e ka merituar të tërën sepse të gjithëve u ka faluar aq shumë ëmbëlsi e dashuri vetëm me dëshminë e ekzistencës së ëmbël të tij.

Le ta marrim daljen në skenën shqiptare të Tarameles si një mesazh të mirë për të gjithë: Bëhuni më të ëmbël, më fëminorë e të mirë. Askush nuk del në sipërfaqe rastësisht. Taramelja i duhet shumë shqiptarëve dhe vlera e tij është shumë më e madhe se sa një shtëpi. Taramelja na thotë se kemi nevojë për Ëmbëlsi

xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erik: 28/05/2019 13:37

    E vertete gjithcka shkruhet ketu. Nuk eshte vetem ne Shqiperi fenomeni i njerezve toksike qe kerkojne te nxjerrin bishta edhe aty ku gjëja shkelqen si qelibar, sepse keshtu behen diskutimet edhe ne vendet e zhvilluara, por tek ne vret me shume sepse gjerat e mira qe behen jane te pakta, ndersa llumi qe ushqehen perdite njerezit eshte disafish me i madh.

    Përgjigju
  • arben: 28/05/2019 12:13

    Komplimente per shkrimin. Taramelja eshte nje femije i veçante dhe si i tille duhet te kete ne te ardhmen edhe nje arsimim te kualifikuar. Ai femije eshte rritur me nje fryme mbreselenese dashurie dhe aq i vogel di te thoje ne cdo kohe faleminderit. Prej vitesh kemi haarruar fjalet magjike " te lutem, faleminderit , me falni". Keto mesazhe duhet te japin televizionet, gazetat apo portalet pasi ky popull eshte bombarduar jashtezakonisht shume me propogande politike duke e asfiksuar prej 30 vjetesh.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Nga 'tkurrja' e kërkesave të opozitës te hetimet e SPAK, ndiqni sonte në 21.00 Frontline në Report Tv

Nga 'tkurrja' e kërkesave të opozitës te hetimet e SPAK, ndiqni sonte në 21.00 Frontline në Report Tv