Një ditë më parë Komiteti Teknik i Ekspertëve vendosi që universitetet të vijojnë mësimin online dhe për dy javë të tjera. Rigels Xhamollari nga Qëndresa Qytetare shprehet se ky vendim do të sjellë pasoja dhe në sezonin e provime që nis në muajin shkurt.
“Do të ndikojë akoma më shumë në sezonin e provimeve që starton në muajin shkurt dhe Universitetet nga ana e tyre nuk kanë një metodologji të caktuar për të zhvilluar provimet online, nuk e kanë publikuar një metodologji të tillë dhe duket që nuk e kanë. Mungesa e internetit, mungesa e literaturës, rreth 15-20% e studentëve janë shprehur që i marrin leksionet vetëm nëpërmjet e-mailit, nuk kanë video-takime me pedagogët, nuk respektohen oraret. Ka një tërësi problematikash që do ti dëmtonin studentët sa i përket rezultatit të tyre në provimet e para”- u shpreh Rigels Xhemollari.
Sipas Xhemollarit duhet rikthim në auditoret e universiteteve, që janë gati për të pritur studentët që prej muajit nëntor.
“Ne kemi parë që studentët po tubohen në lokale, bare, kafe dhe restorante për shkak se aty ka internet. Po grumbullohen në tubime të mëdha dhe do ishte më mirë për mendimin tim që studentët të shkojnë në universitet, të përcaktohet një rregull ashtu siç u tha dhe në fillim dhe të mbanin distancë, maska dhe gjithë masat e marra. Ka shumë studentë që po studiojnë në degë 2-vjeçare dhe po mbyllin vitin e dytë online dhe këto degë janë me profile teknike. Kush qytetarë do ti besonte një studenti me dy vite online në këto degë”-tha Xhemollari.
Sipas tij, studentët përfitues të bursave ende nuk e kanë marrë pagesën.
“Universitetet dhe administrata e tyre shpeshherë burokratike vonojnë dhënien e bursave për studentët e ekselencës dhe studentët e familjeve në nevojë, të cilët i përfitojnë në kuadër të Paktit për Universitetin. Në total janë rreth 12 mijë studentë përfitues të bursave dhe shpresojë që ti marrin sa më shpejtë sepse disa fakultete kanë publikuar edhe listën e personave që përfitojnë bursë por studentët shprehen nga ana tjetër që në llogaritë e tyre nuk ka kaluar asnjë cent nga këto përfitime”-shpjegoi Rigels Xhemollari.
Xhemollari është i mendimit që Komiteti teknik i Ekspertëve duhet të ketë ekspertë të arsimit që vlerësojnë riskun që sjellin këto vendime tek të rinjtë dhe e ardhmja e vendit.
Lajme të tjera
-
Studentët preferojnë Infermieri, Ekonomik, Inxhinieri! Mësuesitë në pikën kritike, Rektorët: Duhet t’i reformojmë!
7 Tetor, 15:47 -
Shpallja prioritare, degët e mësuesisë interes te maturantët! Xhelaj: Matematika, fizika e kimia nuk rrezikojnë të mbyllen
23 Shtator, 21:13
-
Aplikimet në universitet, maturantët afat edhe nesër për të aplikuar! Rrjeti akademik: Deri më tani 15 mijë kërkesa, kryesojnë informatika dhe mjekësia
3 Gusht, 11:39
-
Rezonanca në QSUT jashtë funksionit, Xhemollari për ‘Përballje’: SPAK të hetojë urgjencën! Mjeku: Situatë kriminale, jeta e pacientëve në rrezik
11 Korrik, 16:08 -
Arrestimi i Ilir Beqajt/ Mjeku në 'Përballje' e akuzon për krime kundër njerëzimit! Avokati: Është rast unik, mund të ketë akuzë tjetër për 'Sterilizimin'
4 Korrik, 16:50 -
Ilir Yzeiri: Zgjedhjet në universitete dhe kriza në arsimin e lartë
17 Qershor, 10:15
-
Zgjedhjet në Universitete, ministria e Arsimit shpall datën
13 Mars, 15:35 -
Vendimet e qeverisë/ Mbyllet kolegji universitar 'Pavarësia' në Vlorë
6 Dhjetor 2023, 21:58 -
Mbahet kongresi i dytë studentor në Shqipëri, mes shumë ‘hallesh’, univesitetet po braktisen! Fuga: Duhet politikë e re, studentët akses në vendimmarrje
17 Nëntor 2023, 20:33
-
Rektorët e universiteteve të pakënaqur me buxhetin 2024, kërkojnë bursat e studentëve në fillim të vitit: Ne s’ dimë sa para marrim
14 Nëntor 2023, 20:29 -
Mbyllet raundi i fundit i regjistrimeve në universitet, 500 studentë më pak këtë vit! Braktisen shkencat ekzakte, zero regjistrime për greqisht e rusisht
19 Tetor 2023, 16:42
-
94 programe studimi rrezikojnë të mbyllen! Në universitetin e Elbasanit 11 degë pa asnjë student! Te Infermieria ezaurohen 99.1% e kuotave
13 Tetor 2023, 16:12
