POP 5

Lajmet më të lexuara të 5 minutave të fundit

Sport

Messi rigjen buzëqeshjen tek PSG: Vështirë të largohesha nga Barcelona, gati të fitoj të tjerë trofe! 'Çmenduri' të luaj me Neymar-Mbappe

PSG ka prezantuar Lionel Messin. Ylli argjentinas nisi epokën e re në karrierën e tij tek skuadra franceze i buzëqeshur dhe me objektiva të qartë. Messi pranon se ishte e vështirë të linte Barcelonën por tashmë është gati të fitojë të tjerë trofe me PSG-në. Ndërkaq presidenti Al-Kelaifi konfirmon qëndrimin e Mbappe.

PARIS-Në Paris është dita e Lionel Messit. Ylli argjentinas është prezantuar zyrtarisht në një konferencë për shtyp nga skuadra e tij e re dhe tashmë ka nisur një tjetër epokë në karrierën e tij. Pas largimit mes lotësh nga Barcelona të dielën dhe zyrtarizimit të transferimit të bujshëm tek francezët e PSG-së Messi ka rigjetur buzëqeshjen dhe u është prezantuar tifozë të rinj. Ylli argjentinas e pranon se ka qënë shumë e vështirë të linte Barcelonën por është gati dhe mëse i motivuar për të fituar të tjerë trofe me PSG-në:

“Lamtumira nga Barcelona ishte e vështirë pasi kalova atje shumë vite. Gjithçka ndodhi shumë shpejt dhe jam shumë i lumtur që jam tek PSG. Pritja që më dhuruan dje tifozët ishte një çmenduri e vërtetë.Unë dua të vijoj të fitoj në këtë klub shumë ambicioz,skuadra është e bërë dhe gati, ka futbollistë shumë të mirë. Së bashku do të luftojmë për të arritur objektivat”.

Messi që dje kaloi vizitat mjekësore dhe hodhi firmën në kontratën dy-vjeçare nuk e di se kur do të debutojë me skuadrën e re por mezi pret të stërvitet me shokët mbi të gjitha me ata të repartit të sulmit Neymar e Mbappe:

“Ndiej një gëzim të madh të luaj me Neymar e Mbappe. Verrati mund të behët Iniesta i PSG-së. Tifozët më pritën shumë mirë. Objektiv është fitimi i Championsit por nuk është e lehtë pasi jo gjithmonë fiton skuadra më e mirë” e mbyll ish kapiteni i Barcelonës.

Në Paris tashmë ka nisur Messi mania dhe fanella e tij me numrin 30-të po shitet me ritme të shpejta. Shumë i lumtur dhe krenar është shfaqur edhe presidenti i PSG-së Nasser Al-Khelaifi i cili e quan ditë historike për skuadrën dhe futbollin botëror prezantimin e një lojtari unik si Messi. Më pas drejtuesi konfirmon se e ardhmja e Mbappe është tek PSG./ Përgatiti Andi Kapxhiu

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Mesazhi i Krishtlindjes nga Mitropoliti i Korçës, Imzot Joani: Kremtimi i lindjes së Krishtit gjallëron shpresën e triumfit të dritës mbi errësirën

Mesazhi i Krishtlindjes nga Mitropoliti i Korçës, Imzot Joani: Kremtimi i lindjes së Krishtit gjallëron shpresën e triumfit të dritës mbi errësirën

23 Dhjetor, 11:26