TIRANE- Maturantët të cilët vitin e ardhshëm do të vendosin të ndjekin një prej degëve të mësuesisë, do të jenë më të favorizuar se maturantët e tjerë. Madje në prioritetet e Ministrisë së Arsimit është parashikuar që këta maturantë të përfitojnë edhe bursa përkatëse.

Lajmi është bërë i ditur nga zv/ministrja e Arsimit, Nora Malaj e cila ka pohuar se tashmë përveç punës për shpalljen e fituesve apo konkurseve që pritet të zhvillohen gjatë këtyre ditëve në universitetet me konkurs, kanë filluar të hartohen edhe projektet për vitin e ardhshëm.