Presidenti Ilir Meta ka dekoruar me Titullin e lartë “Mjeshtër i Madh” dy gjimnastët kampionë, vëllezërit Ferdinand dhe Arben Mara.

Përmes një postimi në rrjetin e tij social Facebook, Meta shkruan se i dekoron me këtë titull në mirënjohje për kontributin e tyre të spikatur në sportin e gjimnastikës dhe rezultateve të shkëlqyera të arritura brenda dhe jashtë vendit, duke na bërë krenarë të gjithëve.

Presidenti shprehet se sukseset e tyre janë tashmë pjesë e trashëgimisë më të mirë sportive, duke merituar vlerësim dhe respekt të përhershëm.

“Përmes këtij vlerësimi, ne ndihmojmë dhe i nxisim fëmijët dhe rininë të largohen nga veset për t'i orientuar drejt vlerave më të mira sportive dhe modeleve frymëzuese të suksesit në karrierë dhe jetë.”, shkruan në fund Meta.