Meta: E gjithë lugina e Lumit Vjosa të shpallet Park Kombëtar! Qeveria të tërhiqet nga ndërtimi i çdo HEC-i

Presidenti i Shqipërisë, Ilir Meta mbështet shpalljen e të gjithë luginës së limit Vjosa si Park Kombëtar. Meta i bën thirrje qeverisë të dëgjojë zërin e komunitetit, shoqërisë civile, aktivistëve të mjedisit që të tërhiqet nga çdo projekt që parashikon ndërtimi të HEC-eve mbi lumin Vjosa. Presidenti thekson se qeveria ka shpallur si “Peizazh i Mbrojtur” vetëm pjesën e sipërme të Vjosës , ndërkohë që nuk e ka bërë këtë për rrjedhën e mesme dhe të poshtme e cila nuk ka asnjë status mbrojtje.

"Mbështes plotësisht deklaratën e përbashkët të “EcoAlbania”, “Riverëatch” dhe “EuroNatur”, si dhe të grupeve të shkencëtarëve e ambientalisëve, vendas e të huaj, për shpalljen Park Kombëtar të të gjithë luginës së lumit Vjosa.

Ndaj të njëjtin shqetësim, se përkundër deklaratave publike të Kryeministrit dhe anëtarëve të qeverisë, situata në realitet po shkon në drejtim të kundërt, pasi vetëm për pjesën e sipërme të Vjosës është planifikuar shpallja e zonës si kategori “Peizazh i Mbrojtur”, ndërsa në rrjedhën e mesme dhe të poshtme nuk është parashikuar asnjë status mbrojtjeje.

LEXO EDHE:
'I kanë bërë vendit krimet më të mëdha’, Yzeiri: Meta e Berisha sulmojnë SPAK s’e s’janë ndëshkuar! Rama me diasporën? S’mund t’i përdorim si spektatorë futbolli

Ky plan jo vetëm që përjashton pjesët më me vlerë të sistemit lumor, por gjithashtu do ta linte të pambrojtur zonën në të cilën parashikohen digat e Kalivaçit dhe Poçemit.

Përsëris thirrjen drejtuar Qeverisë, për të dëgjuar zërin e komunitetit, të shoqërisë civile, aktivistëve të mjedisit, të botës akademike, universitare dhe personaliteteve shqiptare e të BE-së, për t’u tërhequr nga çdo projekt që parashikon ndërtim të HEC-eve mbi lumin Vjosa.

Duke e falënderuar sërish Presidenten në Detyrë të Kosovës, Vjosa Osmani për solidarizimin me këtë kauzë, shpreh vullnetin për të vijuar të gjithë së bashku përpjekjet tona për të mos lejuar, me mjete demokratike, çdo vendimmarrje politike në kundërshtim me interesin publik, që synon shkatërrimin e kësaj parajse natyrore dhe njerëzore, si lumi Vjosa", shkruan Meta.

TAG:
• Ilir Meta
• lumi vjosa
• park kombetar