POP 5

Lajmet më të lexuara të 5 minutave të fundit

Politikë

Meta jep titullin e lartë 'Kalorës i Urdhrit të Flamurit' ish- mesfushorit: Nëse futbolli do kishte martirë, ai do ishte një prej tyre

Presidenti Ilir Meta ka nderuar pas vdekjes ditën e sotme një nga legjendat në futbollin shqiptar, Abdurrahman Roza Haxhiun, ose Roza Haxhiun, siç e njohin të gjithë lushnjarët dhe shqiptarët.

Meta jep titullin e lartë 'Kalorës i Urdhrit të Flamurit' ish- mesfushorit: Nëse futbolli do kishte martirë, ai do ishte një prej tyre

TIRANË- Presidenti Ilir Meta ka nderuar pas vdekjes ditën e sotme një nga legjendat në futbollin shqiptar, Abdurrahman Roza Haxhiun, ose Roza Haxhiun, siç e njohin të gjithë lushnjarët dhe shqiptarët.

Futbollisti është nderuar me titullin e lartë “Kalorës i Urdhrit të Flamurit”. Kreu i shtetit ka folur me superlativa për Haxhiu, si një talent të rrallë duke e quajtur "martir" i futbollit.

"Privilegj të vlerësoj me Titullin e lartë “Kalorës i Urdhrit të Flamurit”, një nga legjendat e sportit tonë, Abdurrahman Roza Haxhiun, ose Roza Haxhiun, siç e njohin të gjithë lushnjarët dhe shqiptarët, një nga futbollistët tanë të mëdhenj dhe të paharruar, i vlerësuar në arenën kombëtare dhe ndërkombëtare për kontributin dhe rezultatet e shkëlqyera të arritura në pak kohë.

Aq më tepër është kënaqësi, që ky vlerësim bëhet në këtë vit historik të 100-vjetorit të Kongresit të Lushnjës, ku familja Haxhiu, ka pasur një kontribut të veçantë. Roza Haxhiu, ishte një futbollist i shquar, i viteve 50-60’, talent i rrallë, golashënues i klasit të parë me Ekipin Kombëtar, me Lushnjën, Dinamon, Besën dhe sidomos me Partizanin ku u shpall disa herë kampion kombëtar, fitues i Kupës, si edhe mori medalje të argjendë në turneun e Laipcigut.

Nëse sporti ka martirët e tij, Roza Haxhiu, është një nga ata luftëtarë, që me të vërtetë ra në fushën e blertë të stadiumit, i aksidentuar nga një goditje vdekjeprurëse në kokë e cila i mori edhe jetën, që ai aq bukur dinte ta jetonte. I dalluar si mesfushor me vizion të gjerë, i papërtuar, i shkathët, teknik, me një diapazion të gjerë për lojën, e mbi të gjitha, me një shpirt tepër të madh, Roza Haxhiu, luajti edhe për Ekipin Kombëtar, ku u dallua për teknikën dhe cilësitë e tij, duke u kthyer në një simbol të futbollit tonë.

Shembulli dhe virtuoziteti i tij, kanë mbetur në kujtesën e sportdashësve tanë dhe është shkruar me gërma të arta në historinë e sportit tonë. Mirënjohje, respekt dhe i paharruar kujtimi i Roza Haxhiut për gjithçka i dha sportit lushnjar dhe atij kombëtar, si një legjendë e paharruar dhe burim i përjetshëm frymëzimi për gjeneratat e reja të sportistëve", shkruan Meta.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hinglateri: 25/10/2020 15:40

    O kokelope Skrapari po ket temin kur do ta vleresosh spo kur te jape referencen Monik Qeflia?

    Përgjigju
  • Vicidoli: 25/10/2020 14:32

    O njërës,braktisni mor dekoratat e këtij mender presidenti,dekoratat e shpërndara nga duart e tij që kanë vjedhur e kanë vrarë,jo vetëm që nuk mund të vlerësojnë,vlerat dhe kontributet e atyre që dekorohen ,por përkundrazi kompromentojne e fyejnë të dekoruarit.

    Përgjigju
  • Cerma: 25/10/2020 13:29

    Edhe nga futbolli mer vesh ti o Like ku ne skrapar ska pas topa

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03