Presidenti i Republikës Ilir Meta i ka kthyer përgjigje kreut të komisionit të ligjeve, Ulsi Manja, përmes sekretares së përgjithshmë të presidencës, Ornela Zonja lidhur me dekretin e nxjerrë prej tij për anulimin e zgjedhjeve të 30 qershorit.
Meta thotë se dekreti i tij është botuar në fletoren zyrtare dhe është i detyruar për të gjithë, përfshirë këtu edhe Kuvendin.
“Ky dekret është në fuqi dhe është botuar në Fletoren Zyrtare nr.84, ditë e martë, 11 qershor 2019 e për pasojë është i njohur dhe i detyrueshëm për zbatim nga të gjithë, përfshirë edhe Kuvendin e Shqipërisë”.
Lidhur me nismën e ndërmarrë për shkarkimin e tij, Meta thotë se e gjithë veprimtaria aktuale parlamentare që përpiqet të godasë veprimtarinë e presidentit, duke e quajtur atë një proces të rremë, të pambështetur në argumente kushtetues, por vetëm të orientuar verbërisht e politikisht.
“Referuar këtyre fakteve dhe argumenteve të pakundërshtueshme, Presidenti i Republikës, vlerëson se e gjithë veprimtaria aktuale parlamentare që përpiqet të godasë veprimtarinë e Presidentit të Republikës, por pa mundur të rrëzojë Përmbajtjen e dekretit të tij, është një proces i rreme, i pambështetur në argumente kushtetues, por vetëm i orientuar verbërisht politikisht”, thuhet ndër të tjera në letrën e Kreut të Shtetit.
Meta thotë se ky proces nuk i shërben zgjidhjes së krizës politike, por vetëm e rëndon atë.
Letra e plotë
I nderuar zoti Manja,
Presidenti i Republikës, u njoh me letrën nr. 2502/3 prot, datë 19.06.2019, të Kryetarit të Komisionit të Çështjeve Ligjore, Administratës Publike dhe të Drejtave të Njeriut, të Kuvendit të Shqipërisë.
Presidenti i Republikës, vlerëson t’i bëjë me dije Komisionit të Çështjeve Ligjore, Administratës Publike dhe të Drejtave të Njeriut të Kuvendit të Shqipërisë se Dekreti nr.11199, datë 10.06.2019, “Për shfuqizimin e dekretit nr. 10928, datë 05.11.2018 “Për caktimin e datës së zgjedhjeve për organet e qeverisjes vendore më datë 30 qershor 2019”, është marrë në mbështetje të plotë me dispozitat Kushtetuese dhe në mbrojtje të parimeve themelore që burojnë prej saj.
Ky dekret është në fuqi dhe është botuar në Fletoren Zyrtare nr. 84, ditë e martë, 11 qershor 2019, e për pasojë është i njohur dhe i detyrueshëm për zbatim nga të gjithë, përfshi këtu edhe Kuvendin e Shqipërisë.
Dekreti i Presidentit është një akt i rëndësishëm me natyrë kushtetuese i marrë në respekt edhe të detyrimeve të Republikës së Shqipërisë që burojnë nga aderimi i saj në aktet ndërkombëtare dhe angazhimi në procesin e integrimit në Bashkimin Evropian.
Konkretisht ky akt i rëndësishëm i Kreut të Shtetit, i cili ndërpreu një proces zgjedhor fiktiv, të transformuar praktikisht në një proces votimi, pa garë dhe pa alternativa, respekton posaçërisht nenin 3 të Protokollit nr. 1 të Konventës Evropiane të të Drejtave të Njeriut, si dhe detyrimet që Shqipëria ka marrë përsipër me nënshkrimin e Marrëveshjes së Stabilizim Asociimit Shqipëri – BE, me hyrjen në fuqi më 29 gusht 2006.
Referuar këtyre fakteve dhe argumenteve të pakundërshtueshme, Presidenti i Republikës, vlerëson se e gjithë veprimtaria aktuale parlamentare që përpiqet të godasë veprimtarinë e Presidentit të Republikës, por pa mundur të rrëzojë përmbajtjen e dekretit të Tij, është një proces i rremë, i pambështetur në argumente kushtetues, por vetëm i orientuar verbërisht politikisht.
Ky proces i rremë dhe verbërisht politik nuk i shërben aspak zgjidhjes së krizës të thellë në të cilën ndodhet vendi, por përkundrazi e rëndon më tepër atë, si një përpjekje e shfrenuar për të thelluar ndasitë midis palëve dhe për të asgjësuar çdo mundësi për krijimin e klimës së dialogut e bashkëpunimit që Presidenti i Republikës, prej kohësh po i kërkon palëve.
Presidenti i Republikës është i bindur se, me dekretin e tij nr. 11199, datë 10.06.2019, jo vetëm ka bërë përpjekjen më të mirë për të evituar një konfrontim të mundshëm civil, në mbrojtje të jetës dhe shëndetit të qytetarëve, stabilitetit demokratik, unitetit të popullit dhe rendit kushtetues, por njëkohësisht Presidenti, me aktin e Tij, ka mbrojtur parimin kushtetues të pluralizmit politik, mbi të cilin ndërtohet funksionimi i shtetit të së drejtës.
Presidenti i Republikës garanton Kuvendin e Shqipërisë se është në detyrë, i gatshëm që me përgjegjësi të plotë të ndërmarrë të gjitha vendimet e rëndësishme që do të diktojë situata dhe interesi më i mirë i vendit, në përputhje me kompetencat që i jep Kushtetuta dhe me betimin e tij solemn për t’i shërbyer interesit të përgjithshëm dhe përparimit të të gjithë Popullit Shqiptar!
Së fundmi, në vijim të shkresës suaj nr. 2502/3 prot, datë 19.06.2019, Presidenti i Republikës konstaton se Komisioni i Çështjeve Ligjore, Administratës Publike dhe të Drejtave të Njeriut, në Kuvendin e Shqipërisë nuk është njohur me arsyet e dekretit nr.11199, datë 10.06.2019 “Për shfuqizimin e dekretit nr. 10928, datë 05.11.2018 “Për caktimin e datës së zgjedhjeve për organet e qeverisjes vendore më datë 30 qershor 2019” dhe për këtë arsye për një gjykim të shëndoshë (në se kjo do t’ju lejohet), po jua përcjellim bashkëlidhur.
.jpg)
.jpg)
Letra e Presidentit Meta
Komente
Lajme të tjera
-
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Zbardhet mbrojtja e Ilir Metës përpara Gjykatës së Posaçme të Apelit: Kërkoj lirinë, shumica e pronave dhe e llogarive bankare të Monikës! S’mbaj përgjegjësi për shpenzimet e ish-gruas e ish-vjehrrës
19 Nëntor, 12:42 -
Dosjet 'e nxehta'/ Adriatik Doçi: Meta është vizatuar si koka e korrupsionit, Kryemadhi merimanga! Përdorën biznesmenë si bankomat
18 Nëntor, 19:56 -
Apeli i GJKKO vendos nesër për Metën, Presidenti i PL-së apel nga burgu: Persona të paautorizuar po organizojnë protestë, distancohuni
18 Nëntor, 14:06 -
Avokati Beqiri në Report Tv: SPAK do nisë Hetimet edhe për Argitën dhe Shkëlzen Berishën! 23 dosje për Metën ‘flenë’ në qeveri
15 Nëntor, 19:53 -
‘Tendera korruptiv në Bashkinë Tropojë’, Bardhi tek Komisioni i Ligjeve: SPAK të veprojë, Këshilli i Ministrave të shkarkojë Rexh Byberin
15 Nëntor, 12:45
Njé me shpej te ikesh HAJDUTI I POPULLIT. RRIN SI I SHTANGUR NGA FRIK
PërgjigjuE kuptove qe je nje vemie e ppeshtire dhe pa vlere z president
PërgjigjuKRIZA vete je ti ! KRIZEN vete e krijove ti ! Ne KRIZE je vetem ti ! KRIZEN mbaje per vete ,nuk t'a ble njeri!
PërgjigjuJe turpi i kombit .... Gjynahet ne kte bote do i lani heret apo vone
Përgjigjuzoti Meta ,zbatimi i kushtetutes eshte themelor per shtetin e se drejtes. Sipas kushtetutes Shqiperia eshte Republike parlanentare dhe sovrani nuk jua ka derguar ju fuqine e tije por parlamentit.Ju juridikisht vepruat konform kushtetutes dhe vendoset nje date zgjedhjesh ,per 30 Qershor dhe me vone vepruat kunder kushtetutes duke cdekretuar daten qe ju vendoset.Parlamenti nuk mund te lejoj cenimin e kushtetutes dhe kerkon shkarkimin tuaj po ne rruge juridike dhe jo politike.Me formimin se shpejti te gjykates kushtetuese te dy palet mund te kerkoni te drejtat tuaja.Po deri tani jeni komplet gabim
PërgjigjuIk mor
PërgjigjuPo që s'i vjen turp? Sepse ky e quan vehten president, por ky është kryetar de fakto i opozitës, bile janë në luftë me Lulin, kush do marrë kapelen. President nuk është prandaj mos të vetë quhet president. Vaj halli të ishte mbret ky! Vaj halli ky birbo të ishim republikë presidenciale, do i vinte flakën Shqipërisë së bashku me Monikën.
PërgjigjuO ilir fl9riri ska zot që të shpëton që dhe ti po e kupton. Prandaj po dridhesh si miu para tërmetit o ilir lepuri. Po djersa dhe gjaku i popullit do të zën syt o maskara.
Përgjigjuju keni shkelur ligjin dhe nuk duhet te toleroheni nga kuvendi mbareshqiptar pasi nese po, do te behej ky kuvend pale me shkelisit e ligjeve te cilat dalin nga vete ky. procedurat te ndiqen nuk jane aspak politike por kushtetuese edhe po te mos ju pelqejne ju si i plotfuqishem megjasme me petkun e atdhetarit. ti nuk ke qene asnjehere i deshiruar nga asnje pale por ke luajtur rolin plotesues i cili ka funksiunuar per pushtetet e kaluara. kjo ka qene mbrojtja e vetme e juaja por tanime ke marre FUND ti edhe lajkojte e tu. ju keshillojme te mos merrni pjese as ne zgjedhjet e 2021 ta quajme B O J K O T pasi soji i juaj nuk i nevojiteni shqiptareve.
Përgjigjuhap kushtetuten dhe lexoje o imallkuar ishqiptarve ti nuk komondon gruan po komondon shiptaret
PërgjigjuS'ja vlene te komentosh cmendurite e ketij njeriu. Ky nuk ka asnje lidhje me nje njeri normal, jo me me nje shtetar serioz e te pergjegjshem. Jemi te denuar te durojme ne kete vape dhe gazrat e IM.
PërgjigjuShqiperia esht vend parlamentar jo presidencial
PërgjigjuVazhdo rrugen, ishalla sa me shpejt pas hekurave. Hajdut
Përgjigju