POP 5

Lajmet më të lexuara të 5 minutave të fundit

Politikë

Meta ktheu ligjin për Akademinë e Shkencave/ Gjinushi: Si specialist i bllokimeve shqetësohet për zhbllokimet

Kryetari i Akademisë së Shkencave, Skënder Gjinushi ka reaguar në një lidhje telefonike për Report tv lidhur me vendimin e presidentit Ilir Meta për të kthyer në Kuvend ligji për Akademinë e Shkencave me argumentet se i cenon kompetencat.

TIRANË- Kryetari i Akademisë së Shkencave, Skënder Gjinushi ka reaguar në një lidhje telefonike për Report tv lidhur me vendimin e presidentit Ilir Meta për të kthyer në Kuvend ligjin për Akademinë e Shkencave me argumentet se i cenon kompetencat. Gjinushi tha se Meta është bërë pjesë e segmentëve politikë për të sabotuar Reformën në Akademi e cila tashmë është përshndetur edhe nga Akademive Europiane. Kreu i Akademisë së Shkencave tha se akademia nuk mund të sjellë përplasje kompetencash, pasi duhet të jesh injorant në fushën e jurisprudencës që të kesh përplasje.

Gjinushi komentoi edhe vendimin e Metës për të kthyer në Kuvend emërimin tij në krye të Akademinsë së Shkencave. Ai tha se në këtë rast presidentit i jepet nderi vetëm të dekretojë dhe jo të bllokojë për arsye klienteliste.

"Tani mesa duket kanë viktimizuar Ilir Metën duke e bërë pjesë të këtyre segmenteve politikër pë të sabotuar reformën në akademi. Reforma është ajo që është përshëndetur edhe nga Bashkimi i Akademive Europiane. Argumentet që e sulmojnë nuk kanë lidhje fare. Akademia ka një mision për kërkimin shkencor dhe përpiqet ta ushtrojë këtë mision fisnik dhe nuk mund të sjellë përplasje kompetencash. Duhet të jesh injorant në fushën e jurisprudencës që të kesh përplasje. Meta nuk zgjodhi rrugën e bashkëpunimit, as në rastin e emërimit. Ai duhet t'i ketë cilësitë për ta ushtruar këtë nder. Si mundet që një president të shqetësohet se ligji parashikon zhbllokim, Të shqetësohesh për këtë do të thotë se Meta si specialist i bllokimeve është i shqetësuar për zhbllokimet. Dekreti i tij i para një muaji është anti- kushtetues.

Ka bërë një autogol. Kushtetutën në 98 e kemi bërë se bashku. Meqë do të dijë pse është shkruar kështu ky nen, le të lexojë. Nuk marr përsipër t'ia shpjegoj. Vetëm në kërkim shkencor nuk ka status më të lartë apo më të ulët. Kjo është një pengesë 2-3 javore dhe këto lloj argumentesh janë shteruar. Nuk dua të bëj leksione jurisprudence por qëllimi i institucioneve është i përbashkët. Në shkencë më lart dhe më poshtë të vënë rezultatet, sepse këtë e ka në dorë formimi jo ligji. E ardhmja është e qartë. Nuk lejohet asnjë lloj ndërhyrje nga politika në emërime të tilla. Atij i jepet nderi vetëm të dekretojë. Këtu është lapsusi i parë injorant. Ligji dhe vetëm ligji e shpjegon. Meqë klanet politike për arsye klienteliste shkon deri këtu ligji parashikon edhe një zhbllokim", u shpreh Gjinushi.

Kreu i shtetit ktheu dje në Kuvend për rishqyrtim ligjin për Akademinë e Shkencave. Katër janë arsyet që renditi Meta për kthimin e ligjit; bie ndesh me parashikimet e Kushtetutës së Republikës së Shqipërisë, cenon autonominë e institucioneve të arsimit të lartë, cenon kompetencat e Presidentit të Republikës dhe nuk është në harmoni me kuadrin ligjor ekzistues në Republikën e Shqipërisë. 

Ligji i miratuar në Kuvend detyron Presidentin që brenda 10 ditëve të kryejë emërimin e kryetarit të Akademisë së Shkencave që i është propozuar. Për Metën kjo është antikushtetuese, pasi Kushtetuta nuk ka vendosur një afat të përcaktuar, brenda të cilit Presidenti i Republikës duhet të shprehet 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • O popull ÇOHU!: 11/08/2019 03:21

    Po mirë, po supozojmë per një moment se ky gjirnuushi na qënka matematicien i zoti dhe të qënurit matematikan qënka automatikisht e vendosur dhe e ditur në Arnaudistan se merrke menjëherë postin e krietarit të akademisë së shkencave?!!.... Po të tjerët ç'farë janë!! Pa tjetër ca zorraxhinj e dallkaukë parazitë, që janë mësuar me vite e vite të vjedhin shtetin e të jetojnë qyl si shushunja. Përse nuk kërkohet nga këta horra me kollare të paraqesin punët e tyre 6 mujore e vjetore? (Jo kopjime e plagjiatura, po punra e studime TË VËRTETA e origjinale). Të afishohen e të bëhen të ditura të gjithë popullit (takspaguesit e shkretë), e të publikohen të paktën çdo vit në një manual përkatës zyrtar ose në një gazetë serjoze. Të fillohet të paktën keto 5 vitet e fundit (nga 2014 e këtej). Këta pleq gjynaqar të rrjedhur DUHET ta justifikojnë rrogën dhe të pasurit e prestigjit të një emri aq të lartë... MJAFT MË ME RRENA E MASHTRIME!

    Përgjigju
  • Eri: 10/08/2019 19:44

    Kur hajduti ben krahasime me akademikun.

    Përgjigju
  • Soni: 10/08/2019 16:07

    SUPER SKËNDER GJINUSHI!! Respekte Respekte Respekte për Skënder Gjinushin

    Përgjigju
  • O tej: 10/08/2019 14:56

    Ky Meta rezulton i bllokuar nga te gjitha ne tru ne trup ne organe... nuk ka faj Monika qe muk ja var e mer rruget

    Përgjigju
  • Mala: 10/08/2019 14:29

    Kjo eshte sic thot populli,Kur zgjedh-merr njeriun e paditur,ne vend te te diturit,Apo edhe, sic nuk eshte ne kete raste me Meten,kur I dituri I zgjedhur keqperdor diturine ne dem te popullit dhe shtetit.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu