TIRANË- Në 100 vjetorin e Tiranës kryeqytet, një ditë e rëndësishme historike ku kryebashkiaku Erion veliaj ka organizuar një sërë aktivitetesh, Presidenti Ilir Meta e ka festuar i veçuar nga politika, ku edhe ka lëshuar kunja për qeverinë. Nga Teatri Kombëtar, godina e cila ka përshkallëzuar "luftën" qeveri-presidencë, çështje që ka arritur deri në Gjykatën Kushtetuese, Meta ka uruar 100-vjetorin e Tiranës. Teksa e ka cilësuar si një pasuri arkitektonike dhe kulturore, Meta shprehet se Tirana ia ka dalë me sukses që të jetë epiqendra e politikës së vendit.

"E vlerësoj faktin e organizimit të këtij manifestimi përkujtimor në ambientet e Teatrit tonë Kombëtar, kësaj pasurie kulturore të pazëvendësueshme të jetës shpirtërore të kryeqytetit dhe mbarë kombit tonë. Ky gjest është një thirrje në lartësinë e shekullit për të ruajtur e mbrojtur trashëgiminë e pasurisë arkitektonike e kulturore të kryeqytetit ndër vite! Përshëndes kurajën tuaj qytetare dhe dua t’ju siguroj për mbështetjen time të vazhdueshme. Brezi i ri i Tiranës duhet të njihet dhe t’i përkushtohet pasurisë shpirtërore dhe traditave më të mira kulturore të kryeqytetit tonë", tha Meta.

Në përfundim të fjalës së tij në aktivitetin e zhvilluar nga shoqata “Tirana Intellectum” në bashkëpunim me shoqatën “Bashkësia Dibrane”, u dëgjuan për disa sekonda thirrjet "Rama IK". Përballë këtyre thirrje, kreu i shtetit nuk bëri asnjë reagim, por vijoi normalisht në shpërndarjen e çmimeve figurat që kanë kontribuar për kryeqytetin.

Nga ana tjetër, në të njëjtën orë, shumë pak metra larg Teatrit Kombëtar, zhvillohej festa e organizuar nga Bashkia e Tiranës. Në Pallatin e Brigadave ku ishte i pranishëm kryeministri Edi Rama, kryebashkiaku Erion Veliaj ambasadorët e huaj në vendin tonë, ajo e SHBA-së, Yuri Kim dhe ai i BE-së, Luigi Soreca.

Rendit zhvillimet sipas orarit:
Ora 19:08
Thirrje 'Rama ik' në aktivitetin për 100 vjetorin e Tiranës kryeqytet, ja si reagon presidenti Meta (VIDEO)

Sapo ka përfunduar fjalën presidenti Ilir Meta për 100 vjetorin e Tiranës kryeqytet, në sallë u dëgjuar thirrje "Rama ik". Përballë thirrjeve të tilla, kreu i shtetit nuk ka bërë asnjë reagim, por ka vijuar të ndajë çmimet simbolike për personat që dhanë kontribuar për Tiranën.

B.K./Shqiptarja.com