POP 5

Lajmet më të lexuara të 5 minutave të fundit

Kronikë

Meta, letër Papa Françeskut në 82-vjetorin e lindjes: Vlerat e harmonisë fetare dhe vokacioni i shqiptarëve është rigjallëruar falë jush

Presidenti Ilir meta i ka dërguar ditën e djeshme Papa Franceskut një letër, për rastin e 82 vjetorit të lindjes. Letra përmban urimet e presidentit, rikujtimin nostalgjik të ardhjes së Atit të Shenjtë në Tiranë, si dhe njohjet e kontributit që Papa Francesku ka dhënë karshi harmonisë fetare dhe vokacionit evropian të shqiptarëve.

Meta, letër Papa Françeskut në 82-vjetorin e lindjes: Vlerat e harmonisë fetare dhe vokacioni i shqiptarëve është rigjallëruar falë jush

Presidenti Ilir Meta dhe Papa Francesku

Presidenti Ilir meta i është drejtuar Papa Franceskut me një letër, për rastin e 82 vjetorit të lindjes. Letra fillon me urimin e një jete të gjatë e të shëndetshme në dobi të besimit katolik e mbarë njerëzimit, e më pas vijon me vlerësimin që shqiptarët kanë për Atin e Shenjtë.

“Vlerat e harmonisë fetare dhe vokacioni evropian i shqiptarëve janë rigjallëruar e ripërtërirë si kurrë më parë, falë edhe vëmendjes e mbështetjes suaj e të Selisë së Shenjtë”, shkruan më tej Meta, duke risjellë në kujtesë vizitën e tij pastorale në Shqipëri në vitin 2014.

Në fund, Meta i shpreh Papa Franceskut mirënjohjen për audiencën e veçantë që i dha delegacionit prej 200 shqiptarësh vetëm pak ditë më parë, me rastin e Vitit Mbarëkombëtar të Gjergj Kastriotit Skënderbeu.

Letra e plotë e Presidentit Ilir Meta: 

Me rastin e 82-vjetorit të ditëlindjes suaj At i Shenjtë, ju përcjell nga zemra urimet më të ngrohta e të përzemërta, si dhe ju uroj jetë sa më të gjatë, të shëndetshme e të mbushur me gëzim, në dobi të besimit katolik e mbarë njerëzimit.

Që prej ardhjes Suaj në krye të Selisë së Shenjtë, shqiptarët kanë parë tek Ju jo vetëm modestinë hyjnore që ju karakterizon por dhe udhërrëfyesin e tyre shpirtëror e mbështetësin e palodhur për kapërcimin e vështirësive të tyre, për një të ardhme më shpresëdhënëse.

Vizita Juaj pastorale në Shqipëri, në vitin 2014, si dhe më pas vendimet hyjnore për shenjtërimin e Nënë Terezës, si dhe të lumturimit e lartësimit të besimtarëve të devotshëm e klerikëve shqiptarë që u flijuan për përulësinë ndaj Hyjit, i kanë bërë shqiptarët krenarë. Vlerat e harmonisë fetare dhe vokacioni evropian i shqiptarëve janë rigjallëruar e ripërtërirë si kurrë më parë, falë edhe vëmendjes e mbështetjes Suaj e të Selisë së Shenjtë. 

Po kështu jemi shumë mirënjohës për audiencën e veçantë që i dhatë delegacionit prej 200 shqiptarësh të shquar, vetëm pak ditë më parë, me rastin e Vitit Mbarëkombëtar të Gjergj Kastriotit Skënderbeu, Heroit Kombëtar të shqiptarëve dhe të qytetërimit evropian.

Për mua personalisht do të mbeten të paharruara emocionet dhe momentet e takimit me Ju në Selinë e Shenjtë, pak javë më parë. Ju siguroj se do të vijoj t’i përcjell me të gjithë fuqinë time dhe të përgjegjësisë institucionale që mbaj, mesazhet Tuaja të vyera për popullin tim dhe në veçanti për rininë e mrekullueshme, që Ju e kujtoni me aq dashuri nga vizita juaj në vendin tim.

Gëzuar Ditëlindjen e jetë të gjatë e të lumtur At i Shenjtë! Me respekt e mirënjohje të thellë, Ilir Meta

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça