POP 5

Lajmet më të lexuara të 5 minutave të fundit

Politikë

Meta mesazh nga Shkupi: Ballkani i hapur, imponues! Asnjë rezultat konkret

Në fund të vizitës tre ditore në Maqedoni, presidenti Ilir Meta e ka cilësuar Ballkanin e Hapur një nismë që nuk ka rezultate konkrete, ndërsa i kërkoi BE që të ketë kujdes më autokratët e rajonit që po e shantazhojnë.

Presidenti  Ilir Meta ka reaguar nga Shkupi për iniciativën Balkani i Hapur. Gjatë një ligjërate në Institutin e Trashëgimisë Shpirtërore dhe Kulturore të Shqiptarëve në Shkup, Meta tha se nisma nuk ka sjell asnjë rezultat konkret.

"Ballkani i Hapur” është një nismë imponuese dhe e paqartë, që më shumë se rezultate derimë tani ka prodhuar vetëm debate dhe pasi ka ndërruar tre herë emrin, i vetmi element pozitiv që ka është përcaktimi “i hapur” tha Meta.

Duke iu drejtuar akademikëve, Meta dha një mesazh të drejtëpërdrejt edhe për Bashkimin Europian.

"Duhet të ofrojë “karotën”  kur duhet, por edhe “shkopin” kur është e nevojshme ndaj të gjithë autokratëve në rajon të cilët rikthejnë tema të së kaluarës,  si një shantazh, për t’i lënë rehat në autokracinë e tyre", u shpreh presidenti. 

Presidenti Ilir Meta po kryen vizitë 3-ditore në Maqedoninë e Veriut. Ai zhvilloi takime të shumta me krerë të shtetit maqedonas dhe faktorin politik maqedonas e shqiptar. Kryefjalë e bisedimeve ishte padyshim hapja e negociatave për integrimin në BE të dy vendeve tona.

B.K./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Agravon debati mes Julit dhe Eglës: Je një pise femër, shko urgjent dhe çlirohu

Agravon debati mes Julit dhe Eglës: Je një pise femër, shko urgjent dhe çlirohu

5 Maj, 22:51