Presidenti Ilir Meta, i përgjigjet kryeministrit Edi Rama, i cili sot në konferencë teksa po shpjegonte trëndafilin në maskën e tij tha se presidenti mund të vendosë Vojo Kushin. Presidenti shkruan se Rama ka guxuar sërish sot të marrë nëpër gojë Vojo Kushin, duke ofenduar për të disatën herë Dëshmorët e Atdheut.

"Esati i Rilindjes, zëdhënësi i armiqve të Kombit Shqiptar, guxoi sërish sot të marrë nëpër gojë Vojo Kushin, duke ofenduar për të disatën herë Dëshmorët e Atdheut, familjarët e tyre, veteranët dhe të gjithë shqiptarët që nderojnë dhe krenohen me vlerat e Luftës Antifashiste Nacionalçlirimtare.

Esati i Rilindjes, pengu i armiqve më të egër të Kombit Shqiptar, që ka nxjerrë në shitje Shqipërinë dhe Kosovën provoi para të gjithë shqiptarëve për të disatën herë se i urren Dëshmorët dhe Heronjtë e Atdheut, si Vojo Kushi, që kanë sakrifikuar gjithçka, duke falur edhe jetën e tyre, për Atdheun", shkruan Rama.

Teksa shkruan se Rama sot ka fyer simbolin e PS, Meta i përsërit ftesën për përballje në një studio televizive, duke shtuar se mezi e pret. Numërimi mbrapsht ka filluar thotë Meta, duke shtuar se në zgjedhje do të ketë gati tre milion Ilirië.

Esati i Rilindjes, armiku më i egër i socialistëve idealistë, guxoi sot të fyejë edhe simbolin e tyre dhe të Partisë Socialiste, trëndafilin e kuq si gjaku, që prej kohësh e ka zëvendësuar me gjethen e kanabisit dhe barin e egër të Rilindjes, që rritet në llumin e oligarkisë dhe bandave.

Esati i Rilindjes duhet ta ketë të qartë se numërimi mbrapsht për të dhe Sektin pa nder, pa vlera e pa Atdhe që përfaqëson, ka filluar dhe  nuk do ndalet. Tre milion Ilirë në 25 prill i ka gati. Dhe nuk më thua, o trendi buburrec, kur do dalësh në përballje me mua?  Mezi po të pres", tha Meta.

1602598554_12149378534387038695091957234485126791218476n.jpg

Karikatura e publikuar nga Ilir Meta
 

Rendit zhvillimet sipas orarit:
Ora 16:53
E quajti gazin e botës, Meta-Ramës: S'më ke treguar në cilën studio do sqarohemi ballë për ballë o trendi buburrec

Foto e publikuar nga presidenti Ilir Meta

Vjen menjëherë përgjigjia e presidnetit Ilir Meta, pasi kryeministri Edi Rama e ka quajtur gazin e botës dhe të kombit lidhur me dekoratat.

"Nuk më ke treguar akoma në cilën studio televizive do sqarohemi ballë për ballë! Mezi po të pres o trendi buburrec", shkruan Meta.

Ora 16:41
Ping-Pongu për dekoratat, Rama i 'përvishet' keq Metës: Ilir, kjo është komedia që të bën gazin e botës

Vijon ping-pongu mes kryeministrit Edi Rama dhe presidentit Ilir Meta, lidhur me dekoratat.

Rama i shkruan se nuk ka pasur dhe nuk do të ketë pas Metës asnjë principatë, as monarki, as republikë në botë, që të ketë dhënë dekorata për heronjtë e luftrave të shkuara, ndërsa e quan një marrëzi të pashoqe, qw e bwn atw gazin e botës.

"Ilir, ti duhet ta kuptosh se nuk ka pasur para teje dhe nuk do ketë pas teje, as principatë, as monarki, as republikë në botë, që të ketë dhënë dekorata për heronjtë e luftrave të shkuara! Kjo është komedia e një marrëzie të pashoqe që të bën gazin e botës dhe të republikës sonë", shkruan Rama.