Meta nderon atleten Luiza Gega: Ambasadore e kombit! Vrapuese e jashtëzakonshme botërore

Meta nderon atleten Luiza Gega: Ambasadore e kombit! Vrapuese e jashtëzakonshme botërore

Ilir Meta dekoron atleten Luiza Gega

TIRANE-Presidenti Meta ka vlerësuar me titullin “Mjeshtër i Madh” atleten e njohur, Luiza Gega pas rezultateve të mira në atletikë dhe medaljeve që i ka sjellë Shqipërisë.

Presidenti i Republikës u shpreh se e konsideron privilegj të nderojë një nga sportistet më të shquara në gjithë historinë e atletikës shqiptare, 'vrapuesen e jashtëzakonshme Luiza Gega'. "Ajo ka dhënë gjithçka për sportin që dashuron aq shumë, për atletikën. Luiza është një atlete e përmasave botërore.

Si sportiste ka thyer rekorde, ka fituar në gara të rëndësishme shumë të ndërkombëtare dhe na ka frymëzuar të gjithëve me rezultatet e saj, në kampionatet Botërore, Europiane, Ballkanike e Lojërat Mesdhetare. Serioziteti e sakrificat në punën e saj janë themeli i sukseseve të shumta.

Luiza vazhdon të kontribuojë me performancën e saj, jo vetëm në rezultatet e larta kombëtare dhe ndërkombëtare, por me personalitetin e saj ajo është bërë një shembull i rritjes së identitetit dhe imazhit tonë kombëtar. Luiza është një nga ambasadoret më të mira të kombit tonë, anembanë botës. Megjithë sukseset e saj ajo vazhdon të mbetet e përkushtuar dhe besoj që puna e saj dhe në gara të tjera të rëndësishme ndërkombëtare do të jetë objektivi i radhës. Përfitoj nga rasti, për të theksuar se një sportiste e tillë është nder për të gjithë ne.

Sukseset e Luizës, të cilat nuk mbarojnë, jam i bindur që do të marrin një ritëm edhe më të lartë nga sot" tha Meta. Më pas Presidenti i dorëzoi titullin kampiones së atletikës shqiptare me motivacionin: “Për talentin, karakterin dhe profesionalizmin e treguar në arritjen e rezultateve të larta në sportin e atletikës në arenën kombëtare dhe ndërkombëtare, duke shpalosur vlera të mëdha si atlete e niveleve botërore, shembull frymëzimi për të gjithë sportistët e rinj e të reja”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 14/11/2019 17:46

    Luiza eshte gazela shqiptare ❤️

    Përgjigju
  • Pyka: 14/11/2019 17:06

    Mirè bere për zonjushën,por të lutem dekoro ndonjë për luftën ndaj korrupsionit!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Çeki: Zbulohet një rrjet propagande i financuar nga Rusia

Çeki: Zbulohet një rrjet propagande i financuar nga Rusia