Meta në aksin Korçë-Ersekë: U shemb dy herë! Rrezikon jetën e qytetarëve! Të hetohen punimet në këtë rrugë

Kryetari i Partisë së Lirisë, Ilir Meta ka inspektuar nga afër rrugën Korçë –Ersekë, për të cilën thotë se është shembur dy herë brenda një muaji.

“Më vjen shumë keq që ndodhem pikërisht këtu, në të ashtuquajturën rrugë të re Korçë-Ersekë, ku para dy ditësh ka ndodhur edhe shembja e dytë”, tha Meta.

Për Metën ky aks rrugor nuk ka lidhje me standardet e një rruge të re e madje siç shtoi ai rrezikon jetën e qytetarëve.

“Dhe kush do që ka kaluar e ka kuptuar se kjo është një vepër që nuk ka asnjë  lidhje me standardet e një rruge të re, të një rruge të qëndrueshme, të një rruge të sigurtë.Kush do e kupton që është një rrugë e cila në çdo moment, mbart rreziqe për qytetarët, për shoferët, për pasagjerët. Sepse rrugët kanë qenë dhe janë një nga mjetet kryesore të Edi Ramës, për të justifikuar vjedhjen e qindra miliona eurove.”

Kreu i PL theksoi se rrugët janë mjeti për të justifikuar vjedhjen e miliona eurove.

“Sikurse njëkohësisht janë edhe rrugë të cilat çdo ditë gëlltisin qindra miliona euro, nga taksat e qytetarëve shqiptarë, për llogari të Edi Ramës dhe klientëve të tij.”

Meta theksoi se, “është e domosdoshme të hetohen të gjitha punimet në këtë rrugë dhe në të gjithë rrugët e tjera, të ashtu quajtura të reja, ku kanë ndodhur aksidente, ku kanë humbur jetën edhe qytetarë, ku është bërë përpjekje për t’i manipuluar këto aksidente”.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

A ndjeni ju veten përgjegjës ‘pazarin’ e Zgjedhores kur e latë 2 vite të braktisur Komisionin? Ja si përgjigjet Basha

A ndjeni ju veten përgjegjës ‘pazarin’ e Zgjedhores kur e latë 2 vite të braktisur Komisionin? Ja si përgjigjet Basha