Meta në ditën e përkujtimit të Gjenocidit ndaj shqiptarëve të Kosovës: Masakra që shokoi botën! Gjaku i heronjve të kombit kurrë nuk do të harrohet

Presidenti Ilir Meta, përmes një postim në rrjetin e tij social Facebook ka përkujtuar ditën e gjenocidit nga Shqiptarëve në Kosovë.

Ai shkruan se me dhimbje dhe respekt kujtojmë ditën e sotme 45 civilët e pafajshëm që humbën jetën në Masakrën e Reçakut si dhe të gjithë viktimat e paharruara të krimeve barbare të regjimit të Millosheviçit.

“Kjo masakër e kryer në zemër të Europës, që shokoi mbarë botën, mbetet një dëshmi e pakundërshtueshme e gjenocidit dhe spastrimit etnik në Kosovë, që nuk duhet harruar dhe as mohuar, për të shmangur çdo rrezik për riciklimin e dhunës në rajonin tonë, që ende i ka të freskëta plagët dhe vuajtjet e luftrave.”

Ai shtoi se duhet të bëjmë gjithçka për të mos lejuar më cenimin e paqes, stabilitetit dhe sigurisë në Ballkanin Perëndimor, për të garantuar të ardhmen e sigurtë dhe të përbashkët europiane.
“Mirënjohje përjetë Ambasadorit William Walker për denoncimin historik, që i bëri Masakrës së Reçakut vetëm me tre fjalë: Krim kundër njerëzimit!
Gjaku dhe sakrificat e Martirëve dhe Heronjve të kombit, në themel të Lirisë dhe Pavarësisë së Kosovës, kurrë nuk do të harrohen!”, shkruan në fund ai.

 

View this post on Instagram

A post shared by Ilir Meta (@ilirmeta.faqjazyrtare)

Lajmi kryesor:

22 vite nga Masakra e Reçakut, Liderët e Kosovës: Një ditë do të vihet drejtësia! Rama: Dëshmi e paharrueshme e pafajësisë së luftës së UÇK

J.GJ./Shqiptarja.com

TAG:
• Ilir Meta
• kosove
• genocid
• uck
• Masakra e Reçakut