Meta në Stamboll, takon drejtues të shoqatës ‘Vatra’: Shqipëria dhe Turqia gëzojnë marrëdhënie të gjata e të ngushta miqësore

Presidenti Ilir Meta ka zhvilluar sot një takim me diasporën shqiptare dhe drejtues të Shoqatës Vatra në Stamboll ku ndodhet për një vizitë zyrtare prej disa ditësh.

Meta ka vlerësuar kontributin e tyre të pazëvendësueshëm në promovimin e traditës kombëtare, kulturës, historisë, dhe trashëgimisë shqiptare.

“Diaspora e hershme dhe e re shqiptare në Turqi është krenari që përfaqëson vlerat tona më të larta kombëtare.

LEXO EDHE:
Meta jep porositë e fundit para Konventës: Të gjithë si Tedi Blushi! Ashtu bëhet opozitë

Shumë i lumtur që ndodhem në Stamboll mes bashkëkombësve dhe drejtuesve të shoqatës "Vatra" për të vlerësuar kontributin e tyre të pazëvendësueshëm në promovimin e traditës kombëtare, kulturës, historisë, dhe trashëgimisë shqiptare.

Shqipëria dhe Turqia gëzojnë marrëdhënie të gjata e të ngushta miqësore. Këto marrëdhënie do të qëndrojnë të tilla sepse në themel të tyre është miqësia dhe lidhja e ngushtë ndërmjet popujve tanë, ku diaspora shqiptare ka një rol të pazëvendësueshëm”, shkruan Meta në facebook,

Presidenti Meta ndodhet në një vizitë zyrtare në Turqi ku ka pasur një takim dhe me liderin e opozitës turke dhe zyrtarë të tjerë turk.

E.K/Shqiptarja.com

TAG:
• stamboll
• turqi
• Ilir Meta