Meta hesht për zgjedhjet në Vorë dhe atentatin ndaj prokurorit Ndoja, flet vetëm për teatrin (VIDEO)

TIRANE- Presidenti Ilir Meta i ka bërë palëve politike një thirrje të koduar për dialog që do të çojë në zgjidhjen e krizës politike në vend. Meta tha se duhet reflektim për zgjidhjen e sfidave larg interesave okulte. Ai u shpreh se nëse qytetarët nuk gëzojnë sovranitet për të vendosur rrezikohet edhe sovraniteti i shtetit, ndërsa sulmoi edhe artistët që kanë kërkuar një teatër të ri dhe bashkëkohor se kanë nxjerrë në treg vlerat e tyre artistike duke mbyllur sytë para kauzave që shkatërrojnë vendin.

Kreu i shtetit Meta i bëri thirrje politikës, që të reflektojë dhe të ulet për të dialoguar me artistët, në mënyrë që të gjendet një zgjidhje lidhur me çështjen e Teatrit Kombëtar, pasi siç ai u shpreh 'nuk mund të ketë Shqipëri evropiane, pa identitetin e saj kulturor dhe kombëtar'.

"Është një kënaqësi e veçantë për mua të jem në Teatrin tonë kombëyar me rastin e një epskozite të artitit të dashur këto vitet dhe muajt e fundit Avni Delvina. Për mua ka qenë kënaqësi të njihesha me të. Kam ndjekur me shumë vëmendje reagimin e tij si qytetar dhe patriot për shqetësimet e vendit të tij. Mendoj që vendosja e vlerave të tij artistike në shërbim të kombit e ka bërë jo vetëm më të njohur por edhe më të dashur dhe më pranëë qytetarëve. Jetojmë në kohë të vështira për arsitët dhe shoqërinë. Jetojmë në kohën e civilizimit. Këtu del detyra në radhë të parë e njërëzve të artit dhe kulturëës për të dhënë mesazhe më të forta në mbrojtje të kauzave, kulturës, vlerave qytetare. Nëse qytetarët nuk gëzojnë sovranitetin për të vendosur rrezikohet edhe sovraniteti i shtetit.

Shqetësimet që sjellë Delvina janë mjaft të mirëpritura. Sot vendosëm rrëzimin e murit të Berlinit. Delvina është shembull i artistit që nuk pranon të nxjerrë në treg vlerat e tij artistike për të mbyllur sytë para kauazave që shkatërrojnë vendin. Asnjë falenderim për mua nga artistët pasi nuk kam bërë asgjë tjetër vetëm detyrë time duke mbrojtur kushtetutën, ligjin dhe identitetin kombëtar. Të gjithë të reflektojmë dhe dialogojmë për të zgjidhur të gjitha sfidat, larg interesave okulte në interes të qytetarëve. Është detyra jonë të përforcojmë vlerat dhe të ecim të sigurt. Nuk mund të ketë një shoqëri europiane pa identitetin e saj shoqëror", u shpreh Meta

Jashtë ambienteve të teatrin kombëtar Meta refuzoi të flasë lidhur me një datë për zgjedhje të pjesshme lokale në Bashkinë e Vorës e cila pas vendimit të KQZ për t'i hequr mandatin Agim Kajmakut është pa kryebashkiak. Meta nuk pranoi të flasë as për atentatin ndaj prokurorit Arjan Ndoja duke nënvizuar se këtë ditë ia kushton vetëm artistit Avni Delvina.

"Sot në këtë ditë kam vendosur t'i a kushtojë vetëm artistit të mirënjohur Avni Delvina dhe përpjekjeve të tij për të vendosur artin në shërbim të kauzave. Sot është dita e mesazhit që jep kjo ekspozitë.  Unë kuptoj atë që është e vërtetë. Artistët janë zëri që e çon një popull drejt një të ardhme të sigurtë", përfundoi Meta.

/r.k./Shqiptarja.com

TAG:
• Ilir Meta
• teatri kombetar
• kriza politike