Meta nga Roskoveci: TEC-i projekt kriminal, për të vrarë të ardhmen e fermerëve

 

Pas vizitës në Roskovec, ku doli në krah të fermerëve që kundërshtojnë ndërtimin e TEC-it, Ilir Meta në një deklaratë për mediat tha se ky është një projekt kriminal për të vrarë të ardhmen e fermerëve. Sipas tij, qëllimi i kryeministrit Rama është që të çojë dëm investimet e fermerëve.

"Roskoveci është një mrekulli. Rama e quajti Toskanë për të marrë votat, pasi i vodhi do ta bëjë kasaphanë. Të çojë dëm investimet e fermerëve duarartë të Roskovecit. Të helmojë një nga zonat më të mrekullueshme të Fierit dhe Shqipërisë vetëm për të fituar ai, Agaçi. E kanë menduar si më lehtë që bashkë me kryetaren e dhunshme të bashkisë të ndërtojnë një TEC kriminal si inceneratori, me qëllim eksportimin e energjisë në Greqi, një kompani greke se bën Tecin në Greqi, po vjen e bën në Roskovec. Është aferë drejtpërdrejtë e Ramës dhe duhet qëndresë nga populli i fierit për të mos lejuar një dramë të tillë të luhet me fatet e tyre. Projekt kriminal për të vrarë të ardhmen e Roskovecit", tha Meta =. 

LEXO EDHE:
Fier/ Ndezën zjarre për djegien e mbeturinave, procedohen 2 piroman

Lajmi kryesor:

Habit Meta në Roskovec! Merr varenë e godet shtyllën: Edhe armët duhen marrë për të mbrojtur këta kalamaj! Mua këtu më keni me kallash në dorë (VIDEO)

SI.E./E.H/Shqiptarja.com

TAG:
• Fier
• Roskovec
• Ilir Meta