Meta nuk ndal sulmet ndaj SPAK: Izoloi Berishën! Ramaforma e drejtësisë së Dum-Dumanëve tub oksigjenit për narkoshtetin

Kreu i Partisë së Lirisë, Ilir Meta ka vijuar sulmet ndaj SPAK, teksa ka folur sot në konferencën organizative të partisë në Tiranë.

Meta tha se SPAK ka izoluar politikisht kreun e PD Sali Berisha, ndërsa theksoi se SPAK nuk merr provat lidhur me korrupsionin në vend pasi kjo do të sillte ndëshkim të Ramës dhe Veliajt.

“SPAK afërmendsh bën “shejtan-budallain” dhe nuk shikon narkoshtetin, provat ulëritëse të korrupsionit skozfrenik dhe inkriminimin në nivele të larta, me të vetmin qëllim që të mos ndëshkohet Edi Rama dhe Erion Veliaj, të cilët i kanë kthyer zyrat e shtetit në strofulla më të sigurta të krimit të organizuar, të mafias ndërkombëtare, të Sinaloas, Ndranghetas dhe karteleve më të rrezikshme të trafikut të drogës. Ndërkohë është po ky SPAK që izolon politikisht Sali Berishën dhe rrëmben dy ditë para zgjedhjeve Fredi Belerin, shantazhon drejtues të tjerë të opozitës, tenton të marrë peng parti politike e të shërbejë  si “vrasës me pagesë” i pluralizmit politik”, tha Meta.

LEXO EDHE:
Dosja Onkologjiku, opozita: Ta hetojë SPAK! Shqiptarët paguajnë të mos marrin shërbim

Meta hodhi akuza se drejtësia në vend funksionon nën regjinë e kryeministrit Rama.

 “Në çdo shtet ka mafia, por në Shqipëri mafia ka shtetin e vet, i cili tani po ndihmon edhe mafian italiane dhe rumune për t’u fuqizuar, kur skandali Rama-Coldea sapo ka nisur të zbardhet. Ramaforma e drejtësisë së Dum-Dumanëve është tubi i oksigjenit për narkoshtetin sepse i garanton pandëshkueshmërinë, imunitetin politik dhe goditjen e kundërshtarëve sipas axhendës dhe interesave elektorale të Kryeministrit”, tha ai.

 

S.B/r.k./Shqiptarja.com

TAG:
• Ilir Meta
• spak
• PL