Meta për zjarrin e Malit të Çikës: Qeveria shpenzon mijëra euro për inceneratorët, të merret me shuarjen e flakëve

Presidenti Ilir Meta ka reguar sa i përket zjarrit në Malin e Çikës i cili ka 3 ditë në betejë me flakëet. Meta ka shkruar i ka bërë thirrje qeverisë të ndalojë pagesat e inceneratorëve dhe të hedh një cent për fondin e mbrojtjes së zjarrit.

'TË NDËRPRITEN URGJENTISHT PAGESAT FIKTIVE PËR INCENERATORËT DHE TË SHTOHET FONDI PËR MBROJTJEN NGA ZJARRET!

LEXO EDHE:
Sarandë/ Vuante nga probleme të shëndetit mendor, turistja gjermane rrëzon amerikanen nga shkallët në Lukovë

Për tre ditë me radhë vatrat e zjarrit në Malin e Çikës në Vlorë po shkatërrojnë hektarë pyje, pasuri publike.

Siç dëshmon dhe kjo foto e fundit, flakët po përparojnë me shpejtësi drejt fshatit turistik të Dhërmiut, të tejmbushur me turistë, duke kërcënuar gjithashtu Kondraqin dhe Borshin.

Për fat të keq, Qeveria që paguan çdo ditë mijëra euro për mafien e inceneratorëve, vijon të mos shpenzojë as 1 cent për të shtuar fondin për mbrojtjen nga zjarret.

Lënia në mëshirë të fatit të pasurisë natyrore dhe moskokëçarja përballë kërcënimit serioz të shëndetit, jetës dhe pronës së qytetarëve është tronditëse!

I bëj thirrje të gjitha institucioneve përgjegjëse qendrore dhe vendore, Ministrisë së Mbrojtjes dhe Agjencisë së Mbrojtjes Civile të ngrihen në këmbë, të marrin në dorë situatën dhe të reagojnë me urgjencë!

E konsideroj kriminale mosnxjerrjen e mësimeve nga e kaluara dhe mosveprimin në kohë në lidhje me zjarret!'- shkruan Meta.

Lajmi kryesor:

Mali i Çikës betejë 3 ditore me zjarrin! Flakët i afrohen fshatit të Dhërmiut e Palasës, largohen pushuesit (VIDEO)

G.MO/Shqiptarja.com

TAG:
• Vlore
• Dhermi
• zjarret ne vend