Meta pret ambasadorin e ri të Pakistanit: Bashkëpunimi në kuadër të NATO-s dhe të OKB-së, për paqen stabilitetin në botë me dobi për të dy vendet tona

Presidenti i Republikës Ilir Meta priti sot Ambasadorin e Republikës Islamike të Pakistanit në Shqipëri (rezident në Romë), Jauhar Saleem, me rastin e paraqitjes së Letrave Kredenciale.

Presidenti Meta i uroi Ambasadorit Saleem suksese në misionin e tij diplomatik në Shqipëri dhe nënvizoi rëndësinë e forcimit të marrëdhënieve miqësore dypalëshe në fushat me interes reciprok, veçanërisht në bashkëpunimin ekonomik e tregtar dhe fushën e teknologjisë së informacionit, përmes përmirësimit e plotësimit të kuadrit ligjor mes dy vendeve.

"Bashkëpunimi në kuadër të NATO-s dhe të OKB-së, për paqen e qëndrueshme, sigurinë dhe stabilitetin në botë, mbetet një fushë e rëndësishme, me dobi për të dy vendet tona", - nënvizoi Presidenti Meta.

LEXO EDHE:
PD i përgjigjet sulmeve të Metës, risjellë akuzat e tij për Berishën: E kam dhënë njëherë dorëheqjen për Shkëlzenin

TAG:
• Ilir Meta
• Pakistan
• Ambasadori
• Jauhar Saleem