Meta pret Kampionin e Europës, dekoron peshëngritësin Briken Calja me Titullin “Kalorës i Urdhrit të Skënderbeut”

Presidenti i Republikës, Ilir Meta ka dekoruar peshëngritësin Briken Calja me Titullin “Kalorës i Urdhrit të Skënderbeut” me motivacionin për rezultatet e shkëlqyera si ‘Kampion i Europës’ në sportin e Peshëngritjes, duke shpalosur vlera të larta të një sportisti të talentuar e të sukseshëm në arenën kombëtare e ndërkombëtare”.

Gjatë një ceremonie solemne të organizuar në Shtërmen, vendlindjen e peshëngritësit, Presidenti i Republikës Meta u shpreh se ndihet i kënaquar që po nderon një nga talentet e shquar të sportit të peshëngritjes, i cili ka fituar 3 medalje të Arta dhe duke i dhënë titullin historik Kombit shqiptar.

Kam kënaqësinë e veçantë të nderoj një nga sportistët e shquar në sportin e peshëngritjes, Briken Calja, Kampionin e Europës dhe fituesin e tre medaljeve të Arta. Brikeni u shpall kampioni më i ri i Europës në peshëngritje, pasi shkëlqeu në turneun e Bukureshtit. Tre medalje të arta erdhën vetëm nga sportisti ynë, kampion i trefishtë kontinental dhe rezultat historik për vendin tonë. Peshëngritësi nga Shtërmeni që mban titullin Kampion i Europës ka një kontribut të jashtëzakonshëm jo vetëm për rezultatet e larta sportive, si në nivel kombëtar ashtu dhe ndërkombëtar, por mbi të gjitha ka vlera dhe merita të paçmuara në lartësimin e identitetit dhe promovimin e imazhit tonë kombëtar.

LEXO EDHE:
Meta nga burgu: Arsimi pa fonde shtesë, papërgjegjshmëri

Ilir Meta, Presidenti i Republikës

Ndërsa  i ka vlerësuar lart arritjet e peshëngritësit shqiptar, Presidenti Meta është shprehur se vlerësim i dhënë do të jetë një motivim i madh për të rinjtë e tjerë dhe ecurinë  e tij të mëtejshme në karrierën sportive, duke konkuruar në gara të rëndësishme ndërkombëtare.

 Jam i sigurtë se ky vlerësim i sotëm, do të jetë një motivim akoma më i madh për karrierën sportive të Brikenit, në arritjen e rezultateve të larta në gara të tjera të rëndësishme ndërkombëtare. Sportistë të kalibrit të Brikenit na lumturojnë dhe na nderojnë të gjithëve. Shembulli i punës dhe suksesit të Briken Caljes është një burim frymëzimi, sidomos për të rinjtë e sotëm.Titulli “Kalorës i Urdhrit të Skënderbeut” që i akordohet sot peshëngritësit Briken Calja është një vlerësim i punës, sakrificave, rezultateve dhe respektit, që karakterizon Brikenin dhe që janë një pasqyrë reflektimi e frymëzimi për të gjithë sportistët tanë, përgjatë rrugës së mundimshme, të lodhshme e të vështirë, por edhe të sukseshme të sportit të Peshëngritjes, është shprehur presidenti Meta.

Nga ana e tij edhe, peshëngritësi Briken Calja, ka falenderuar Presidentin Meta duke thënë se ky vlerëmim i dhënë ai i takon së pari sportit.

TAG:
• Ilir Meta
• peshengritësi Briken calja
• Kalorës i Urdhrit të Skënderbeut
• titull nderi

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1491

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq