POP 5

Lajmet më të lexuara të 5 minutave të fundit

Arkiva

Meta pret OSBE: Konsensus në
KQZ, mazhoranca të reflektojë

“Integriteti i KQZ është cënuar në mënyrë të dhunshme dhe të padrejtë nga ana e mazhorancës aktuale, ndaj është e rëndësishme që të rivendoset konsensusi dhe besimi duke i rikthyer legjitimitetin këtij institucioni”. Kështu u shpreh kreu i LSI, Ilir Meta, gjatë një takimi me përfaqësues të delegacionit të OSBE-së në Shqipëri.
TIRANE- “Integriteti i KQZ është cënuar në mënyrë të dhunshme dhe të padrejtë nga ana e mazhorancës aktuale, ndaj është e rëndësishme që të rivendoset konsensusi dhe besimi duke i rikthyer legjitimitetin këtij institucioni”. Kështu u shpreh kreu i LSI gjatë ceremonisë së pritjes së delegacionit të OSBE-së në Shqipëri.

Delegacioni i Asamblesë Parlamentare të OSBE-së, përbëhej nga Roberto Battelli, Përfaqësues i Posaçëm i Asamblesë Parlamentare të OSBE-së për Evropën Juglindore, i caktuar nga Kryetari i Radhës së OSBE-së, si Koordinator Special i misionit të vëzhguesve afatshkurtër të OSBE-së, si dhe Ambasadori Andreas Nothelle, Drejtor i Zyrës Ndërlidhëse të Asamblesë Parlamentare të OSBE-së, në Vjenë.

Fokusi i diskutimit në këtë takim ishte situata parazgjedhore në Shqipëri.

Meta shprehu angazhimin e LSI-së që Shqipëria të ketë standardet më të larta në këto zgjedhje, pasi sipas tij ato janë tepër të rëndësishme, jo vetëm për stabilitetin e vendit, por edhe për integrimin e vendit dhe njëkohësisht për të ecur më shpejt në rrugën e progresit ekonomik dhe të punësimit, që janë shqetësimet kryesore të gjithë qytetarëve shqiptarë.

Duke diskutuar mbi situatën e krijuar në Komisionin Qendror të Zgjedhjeve, Meta tha se “i takon mazhorancës të tregojë reflektim, të tregojë përgjegjshmëri në këtë drejtim”, ndërkohë që “ai garantoi delegacionin e OSBE-së, se opozita shqiptare është e gatshme të kontribuojë në këtë drejtim”.

Ndërkaq, përfaqësuesit e Asamblesë Parlamentare të OSBE-së, theksuan rëndësinë e zgjedhjeve të 23 qershorit për vendin.

Sipas përfaqësuesve të delegacionit të OSBE-së “plotësimi i standardeve më të larta në këto zgjedhje është një mundësi e artë që Shqipëria të avancojë në rrugën e saj drejt Bashkimit Europian, duke treguar në këtë mënyrë funksionim të institucioneve demokratike në vend".

Roberto Battelli dhe Andreas Nothelle, garantuan edhe një herë mbështetjen e OSBE-së për të ndihmuar Shqipërinë gjatë gjithë këtij procesi zgjedhor.

Një delegacion i Asamblesë Parlamentare të Organizatës për Siguri dhe Bashkëpunim në Europë qëndroi në Tiranë në datat 23 dhe 24 maj, dhe ka zhvilluar një sërë takimesh me drejtues institucionesh dhe liderë të forcave politike në vend.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03