Meta prezanton kandidatët e PL-së në Fier dhe Lushnjë: Të mbizotërojë zëri i të rinjve! Atentati i djeshëm në Tiranë, tregues i rritjes së kriminalitetit

Kryetari i Partisë së Lirisë, Ilir Meta ka mbajtur një takim për të prezantuar kandidatët e këshillit bashkiak në Fier dhe Lushnjë. Teksa foli për kandidatët kryesues të listës për këshilltarë bashkiakë të Partisë së Lirisë, Meta tha se kishte si qëllim mbizotërimin e zërit të të rinjve, duke shtuar se vendi po braktisej për shkak se nuk janë ndërmarrë politikat e duhura për të rinjtë.

“Dy drejtuesit e listës së PL për këshillat bashkiakë të Lushnjës e Fierit, Katerina Bano që studion për Drejtësi dhe që është angazhuar me forumet rinore dhe shoqërinë civile dhe Kristian Kina pedagog dhe me eksperiencë të njohur si senator në senatin e Universitetit të Tiranës. Është kënaqësi të mbështesim të rinjtë. Duam që zëri i tyre të mbizotërojë në këshillat bashkiake që do të zgjidhen më 14 maj. PL lufton për Shqipërinë që u përket të rinjve, jo që braktiset nga të rinjtë sepse nuk u ofrohen mundësi për shkollimin e duhur apo rritje profesionale apo paga të larta e dinjitoze për të përballuar jetesën”-tha Meta.

Ai nuk la pa përmendur edhe ngjarjen e rëndë të ndodhur mbrëmjen e djeshme në mes të Tiranës, duke thënë se shihet qartë rritja e kriminaliteti në vend ndërsa arsimi është i fundit në listën e prioriteteve të qeverisë.

“Dje ndodhi një ngjarje shumë e rëndë, në mes të Tiranës ndodhi një akt shumë i rëndë kriminal,. Njerëz të pafajshëm humbasin jetën. Pak ditë më parë tre vrasje ndodhën në një hark kohor rekord në mes të Tiranës. Shohim rritje të kriminalitetit, kryeministri thotë le të hanë bandat kokat me njëri-tjetrin. Arsimi është prioriteti i fundit i kësaj qeverie. Duhet të vrapojmë drejt 14 majit. Tu kërkojmë prindërve të reflektojnë, gjyshërve e gjyshërve të reflektojnë që të mos mbeten pa nipër e mbesa e për të mos qenë në një situatë të vështirë me pensione skandaloze që nuk përballojnë dot jetesën. Paratë shkojnë tek inceneratorët dhe në kompanitë off shore”, tha ai.

Mëngjesin e ditës së sotme, Ilir Meta ka shkuar sërish në selinë e Partisë Demokratike ku është takuar me ish kryeministrin Sali Berisha me të cilin ka folur mbi koalicionin Partia e Lirisë-Rithemelimi, detajet e të cilit do t’i bëjnë me dije ditën e nesërme.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kokelope: 13/03/2023 23:03

    Spiun majmun hajdut je o Agush!

    Përgjigju
  • Goni: 13/03/2023 19:45

    Shko mor njeri i lige

    Përgjigju
  • Olti: 13/03/2023 19:44

    E ke mendjen vec per te hedhur kunja negative

    Përgjigju
  • Sarina: 13/03/2023 19:33

    Kot e ke ilir se nuk te voton njeri ty se je kriminel.

    Përgjigju
  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Humbja me Italinë në Euro 2024, Sylvinho: I kënaqur me paraqitjen, por jo me rezultatin! Falenderoj tifozerinë kuqezi

Humbja me Italinë në Euro 2024, Sylvinho: I kënaqur me paraqitjen, por jo me rezultatin! Falenderoj tifozerinë kuqezi