Meta: Protokoll bashkëpunimi për mbrojtjen dhe promovimin e kulturës arbëreshe

ITALI- Në kuadër të nismës së ndërmarrë prej  Tij “U’ jam Arbëresh”, Presidenti i Republikës, Ilir Meta vizitoi Komunën e Kazalvekios në rajonin e Puljas. Në një status në rrjetet sociale, Meta bëri të ditur se 9 komuna të Puljas, Molises, Kampanias dhe Abrucos kanë marrë një nismë për të bashkëpunuar me qëllim mbrojtjen dhe promovimin e identitetit dhe trashëgimisë së jashtëzakonshme të kulturës arbëreshe.

"Angazhimi i nëntë komunave të rajoneve të Puljas, Molises, Kampanias dhe Abrucos për të bashkëpunuar me qëllim mbrojtjen dhe promovimin e identitetit dhe trashëgimisë së jashtëzakonshme të kulturës arbëreshe, është padyshim një ngjarje e gëzuar që meriton vlerësim dhe mbështetje maksimale.

I lumtur të merrja pjesë në ceremoninë e nënshkrimit të këtij Protokolli Bashkëpunimi, për të shprehur edhe njëherë mirënjohjen e thellë për angazhimin e shtetit italian, nga niveli qendror dhe deri në atë lokal, për ruajtjen e kësaj pasurie të përbashkët kulturore, që i forcon më shumë marrëdhëniet e shkëlqyera të Shqipërisë me Italinë", shkruan Meta.

B.K./Shqiptarja.com
Komento

Komente

  • Arber-eshi: 09/11/2019 17:18

    Ilir Meta me gjasa ka marre ndonje shtepi ne Kalabri nga ato qe shiten me 1 Euro por duhet te punosh arat. kaq shpesh sa shkon per foto aktivitetesh te rendesise nderkombetare

    Përgjigju