Kryetari i Partisë së Lirisë, Ilir Meta akuzon qeverinë se i ka shpallur luftë profesioneve dhe kërkimit shkencor. Teksa publikon Indeksin Global të Inovacionit për vitin 2022, Meta thotë se Shqipëria renditet e fundit prej mungesës së mbështetjes për universitetin, për pedagogët dhe studentët duke mos u dhënë atyre ndihmë konkrete.

Meta thekson se largimi i Edi Ramës do e shpëtojë falimentimin e Shqipërisë dhe do të nxisë zhvillimin e shkencës dhe ekonomisë.

"Qeveria e Edi Ramës i ka shpallur luftë të hapur profesionistëve, dijeve dhe kërkimit shkencor. Prova më e qartë është Indeksi Global i Inovacionit për vitin 2022, që e pozicionon Shqipërinë të fundit të rajon dhe Europë. Shkaqe kryesore për këtë renditje janë mungesa serioze e burimeve njerëzore dhe kërkimore, njohuritë jo të duhura teknologjike dhe sofistikimi jo efiçent i tregut. Performancën më të dobët, Shqipëria e ka sa i takon prodhimeve të dijeve dhe prodhimeve teknologjike.

Ndërkohë vendet e tjera të Ballkanit, si Maqedonia e Veriut dhe Bosnje-Hercegovina janë dhjetëra vende më lart. Qëndrimi arrogant dhe mungesa totale e mbështetjes për universitetin, për pedagogët dhe studentët duke mos u dhënë atyre asnjë ndihmë konkrete është arsyeja e vetme për këtë situatë të rëndë. Kjo Qeveri që është e para për korrupsionin në Europë është e fundit për inovacionin shkencor. Ndaj vetëm largimi një orë e më parë i Edi Ramës shpëton falimentimin e Shqipërisë dhe nxit zhvillimin e shkencës dhe të ekonomisë", shkroi Meta.

Indeksi Global i Inovacionit