Meta: Qeveria të harxhojë më
pak kohë me replika e opozitën

TIRANE-  Kreu i Lëvizjes Socialiste për Integrim në një intervistë për Alfred Pezën mbrëmë në tv Vizion plus, deklaroi se qeveria duhet të krijojë një ritëm të ri, të ketë prioritete edhe më të qarta, të harxhojë më pak kohë me replika dhe me opozitën. Gjatë intervistes Met a komentoi deklaratën e ambasadorit Arvizu për një lodhje të qeverisë. Gjithashtu shtoi se kontributi i tij do te jete ne Komisionin Parlamentar të Integrimit dhe jo në qeveri.

Zoti Meta, ju keni pasur një takim në Berat nga ku jeni shprehur se keni filluar tanimë me energji të reja, një fillim i ri, një start i ri? Çfarë nënkupton ky start i ri?

Mendoj se gjithmonë ka një start të ri, ka një fillim të ri sepse gjithnjë ka sfida të reja dhe këto kërkojnë energji të reja dhe ne kemi treguar që karikohemi shumë shpejt. Jo vetëm sespe energjitë tona janë të bollshme, por dhe për arsye të gjitha energjive të marra nga takimet që bëjmë me qytetarët, me anëtarët, me simpatizantët tanë e sidomos me të rinjtë.

Në ç’fazë ndodhet LSI-ja, në ç’segment të jetës së saj politike ndodhet ajo?
Mendoj se e kemi kaluar fazën e konsolidimit. Këtë e treguam në zgjedhjet e fundit lokale dhe është dhe një fazë tjetër, pikërisht atë të rritjes s pjekurisë politike, sepse të mos harrojmë që është një forcë relativisht e re dhe mendoj se jemi në fazën e rritjes.

Jeni krijuar në vitin 2004, u bënë pothuajse 8 vjet. Cili është momenti më i mirë dhe momenti më i vështirë që ka kaluar LSI-ja për të ardhur deri këtu në këtë fazë të pjekurisë së saj?

Çdo gjë është relative. Momenti më i vështirë është i vitit 2009 për shkak se u bë në mënyrë të qëllimshme një kod diskriminues, praktikisht për të eliminuar një parti sikurse ishte dhe LSI-ja dhe prova e qëndresës në ato zgjedhje mendoj se ka qenë momenti më i vështirë dhe më deliakt. Kjo për arsye sepse ndaj votuesve tanë u ushtrua një presion dhe një trysni shumë e pandershme duke bërë një ligj dhe duke përjashtuar një parti që ishte forcë e tretë politike që ishte provuar në dy zgjedhje, edhe në lokalet e 2007-ës dhe të përgjithshmet e 2005-ës, pra partinë e tretë në vend dhe gati 105 mijë vota në të dyja këto zgjedhje, duke e përjashtuar nga adminsitrimi i procesit dhe duke dhënë mesazhin të gjithë votuesve që “Ju kot votoni per këtë parti sespe këto nuk do ti mbrojnë këto vota sepse ky është qëllimi që ne po u heqim dhe komisionerët, ky është qëllimi që po bëjmë dhe një kod i cili vazhdon të mbete diskriminues dhe jo në vijë të drejtë”.

Pra, ju vazhdoni të thoni se ka pasur një skenar për eliminimin poltik të partisë suaj nëpërmjet ligjit?
E kanë pranuar të gjithë, madje dhe shumë përfaqësues që në atë kohë ishin përfaqësues të PS-së dhe tashmë nuk janë apo kanë reflektuar, e kanë bërë të qartë që ky ishte qëllimi kryesor i këtij kodi. Natyrisht që nuk duhet marrë dicka thjesht personale, pra që ky ishte një kod që ishte kundër LSI-së, por ishte një focë tjetër politike që kërkonte të kishte një pavarësi të saj, dhe e njëjta gjë do të bëhej.

Pra, ju po thoni që 2009 ishte ajo që konfirmoi mbijetesën politike të LSI-së?
8 maji ishte një moment konsolidimi, pra që LSI është një forcë e qëndrushme, ka një elektorat të qendrueshëm, sepse në 2005 u dha mesazhi që këto morën vota sepse ishin kundër qeverisë. Më pas në 2209 u dha mesazhi që sdo marrin gjë fare për arsye se edhe kodi nuk i favorizon e kështu me radhë. Në 2011, në 8 maj mesazhi i paralajmëruar ishte që të gjitha zemrat që ishin ndier të tradhtuara për shkak të koalicionit që u bë ë 2009-ën, do ta ndëshkonin këtë koalicion të LSI me PD, përvec dhe shumë faktorëve të tjereëë dhe u tregua që LSI u ngrit dhe nuk është se u ngrit thjesht se bëri koalicion me PD, por sepse ka krijuar një besueshmëri dhe një profil të sajën dhe ka dhe votuesit dhe mbështetësit e saj.

Pas momentit të vështirë, ju keni krijuar një koalicion me PD. po shkojmë drejt 3 viteve të këtij koalicioni. Mendoni se keni bërë hapin e duhur në kohën e duhur?
Në atë kohë ka qenë një situatë mjaft dilematike sepse dihet që një nga angazhimet tona ishte largimi i asaj qeverisje dhe zotit Berisha nga pushteti, dihet dhe që edhe një javë përpara përfundimit të zgjedhjeve së bashku dhe me perfaqeus të tjerë të së majtës kemi bërë një apel të fundit një takim në Hotel Tirana duke i kërkuar një takim dhe kryetarit të PS me qëllim që të bashkërendohej sa më shumë të ishte e mundur në mënyrë që energjitë të mos harxhoheshin kaq shumë kundër njëri-tjetrit qoftë dhe në javën e fundit. Dihet përgjigja injoruese ndaj këtij mesazhi. Pastaj kishte dy zgjidhje, ose të dilnim në rrugë sepse cdo koalicion me PS nuk sillte asgjë ndërkohë që ishin dhënë mesazhe më parë për trazira në Fier dhe diku tjetër. Ishte zgjidhja e vetme për të qenë një faktor stabiliteti, pra maxhoranca me PD. Kjo ishte një tabu në atë kohë, por LSI është dalluar për të sfiduar cdo paragjykim . Në një farë mënyre ishte dhe një bast i madh në kuptimin e një të papriture, sepse raporti ynë me PD kishte qenë një raport ballafaques, konfronutes si një forcë opozitare që kishim qenë. Por, sot mund të them se pas kësaj eksperience në të tilla kushte ky koalicion do të kishte firmosur shumë më i bindur dhe më i qetë.

Nga pikëpamja politiek duhet si një lloj eksperimenti mbi historinë e këtyre 20 viteve të pluralizmit në Shqiperi kur kurrë nuk ishte bërë një koalicion mes një force të djathtë dhe një të majte. Ju thatë që ishte një bast. A është i fituar ky bast?

Po, unë mendoj se pas më shumë se 2 vjetësh është treguar që ky është një koalicion që funksionon. Ka një vullnet për të punuar së bashku. Natyrisht ka mendime të ndryshme për cështje të ndryshme, mendime që janë bërë dhe publike, që janë diskutuar. Mendoj se është një përvojë që solli një risi në vendin tonë dhe mendoj se është një përvojë që vendet e tjera evropiane e kanë konsideruar prej vitesh.

Gjatë këtyre 3 viteve nuk keni menduar asnjëherë të prishni këtë koalicion?

Që kur kemi firmosur këtë marrëveshje unë kam pasur një angazhim timin që do bëjmë cdo gjë që ti qendrojmë marrëveshjes deri në fund, sepse është e rëndësishme për cdo forcë politike ti qendrojë një marrëveshjeje, sepse është cështje serioziteti, besueshmërie dhe unë jam shprehur që kjo marrëveshje për asnjë arsye nuk do të prishet nga ne, përvec ndonjë arsye të rëndësishme madhore që kanë të bëjnë me probleme të integrimit evropian, marrëdhëniet shumë të rëndësishme kyce me partnerët tanë shumë të rëndësishëm. Edhe brenda një partie ka mendime dhe probleme të ndryshme, por e rëndësishme është që shtyllat kryesore të marrëveshjes të qëndrojnë sa më solide.

Nga marsi deri në maj në mos gaboj, LSI-ja ka një proces zgjedhjesh të brendshme?
Ne jemi në përgatitje të tre evenimenteve shumë të rëndësishme. Konventa Zgjedhore e Gruas, e Rinisë, pastaj edhe Konventa Zgjedhore e Lëvizjes Socialiste për Integrim që do të thotë se kemi të bëjmë me një proces organizativ mjaft të rëndësishëm me rinovimin, me ripërtëritjen e strukturave përmes votimit. Por edhe një proces që do të debatojë lidhur me pozicionin në të cilin ndodhet Lëvizja Socialiste për Integrim, me vlerësimet e caktuara të programit tonë, me çështje të cilat duhen rivlerësuar për arsye të eksperiencës qeverisëse, për arsye të një krize ekonomike globale të paparashikuar, e cila natyrisht ka efektet e saj në ekonominë tonë dhe do të jetë një proces tepër i hapur dhe transparent.

Ju vazhdoni të jeni në garë për kreun e LSI?
E kam të vështirë që t’i shmangem garës.

Kë do të keni përballë?
Kushdo që ka dëshirë të përmirësojë gjërat në LSI është i gatshëm të vijë të konkurrojë. Kushdo që është i shqetësuar për fatet e demokracisë në LSI është i mirëpritur.

Jo më larg se dje në gjykatën e Tiranës ka shkuar dosja Prifti- Beqiraj. Keni një koment për këtë çështje ?
Nuk kam asnjë koment për këtë çështje. Këta dy persona prej kohësh nuk janë pjesë e Lëvizjes Socialiste për Integrim.

A ka probleme brenda LSI-së, zoti Meta?
Nuk shikoj asnjë problem të brendshëm në Lëvizjen Socialiste për Integrim, përveç rëndësisë që çdo anëtar, çdo përfaqësues i Lëvizjes Socialiste për Integrim duhet të kuptojë se sfida e LSI-së, nuk është pajtimi i secilit me këtë lloj status-quo-je. Sfidat e LSI-së janë për të dalë nga vetvetja, për të dalë edhe nga vetëkënaqësia që u rritëm 50 për qind të votave më 8 maj sepse në fund të fundit nuk është ky problemi më i rëndësishëm për qytetarët e Shqipërisë, por është kërkimi në çdo moment i një pasioni edhe më të madh për të ndryshuar diçka më shumë në LSI, në raportin e LSI-së me qeverisjen, në raportin e LSI-së me qytetarët, secili në pozicionin e tij të punës dhe të detyrës dhe në këtë drejtim unë shikoj vetëm zhvillime pozitive.

Nuk e kam parë më publikisht Erisa Xhixhon. Është akoma kryetare e LRI-së ?
Po natyrisht që është. Kjo është një pyetje që ju mund t’ia drejtoni Erisës. Padyshim që është një nga kontribueset kryesore në LSI.

Si është të punosh me Kryeministrin Berisha?
Mendoj që është një bashkëpunim i qëndrueshëm dhe mendoj që është një bashkëpunim që funksionon.

Ka ndonjë dallim sesi punonte Nano Kryeministër dhe sesi punon Berisha si Kryeministër?
Nuk dëshiroj të bëj krahasime sepse çdo krahasim është i kohëve të ndryshme dhe i raporteve të ndryshme. Pra, me zotin Nano kam punuar kur kemi qenë përfaqësues të dy të një force politike. Në rastin konkret është një raport më ndryshe. E rëndësishme është që bashkëpunimet synojnë objektiva edhe më të mëdha dhe të rëndësishme.

Po me Ramën si keni punuar?
Unë di që ai ka qenë shumë i kënaqur, nga puna që ka bërë me mua si Kryeministër. Edhe unë nuk kam qenë i pakënaqur nga puna që ai bënte si ministër i Kulturës. Pra, kishte dëshirë të punonte, të sillte ide të reja në atë kohë dhe mbështetjen time e ka pasur të jashtëzakonshme dhe për këtë më kanë kritikuar shumë në Partinë Socialiste në atë kohë, duke më thënë se përse e mbështet kaq shumë, e kështu me radhë.

Jeni penduar që e keni mbështetur aq shumë?
Jo aspak sepse unë nuk kam mbështetur vetëm zotin Rama. Atë e kam mbështetur si një element të ri që vinte në politikë në atë kohë duke menduar që kërkonte vërtet të bënte gjëra të mira. Sikurse kam mbështetur shumë të rinj të tjerë dhe detyra ime është që të mbështes të rinjtë.

Kur do të riktheheni në qeverisje zoti Meta?
Kjo është një pyteje të cilës unë i jam përgjigjur duke aderuar menjëherë pas përfundimit të këtij procesi gjyqësor, në Komisionin Parlamentar të Integimit Europain. Mendoj se ka qenë një mesazh i qartë për të gjithë. Ky është prioriteti i Ilir Metës, ky është edhe prioriteti kryesor i LSI.

Do vazhdoni të jeni i angazhuar vetëm në jetën parlamentare apo në këtë komision?
Angazhimi im kryesor është si kryetar i LSI. Për mua e rëndësishme është rritja e rolit të LSI në gjithë jetën politike, institucionale, qeverisëse të vendit dhe unë këtë mendoj se mund ta bëj shumë mirë në pozicionin ku ndodhem.

Zoti Meta a jeni ju dakord me një konstatim të ambasadorit amerikan Avizu, ku deklaroi se qeveria ka bërë disa përparime në disa fusha, por ka një term që është lodhja nga pushteti. A ka një lodhje të qeverisjes?
Nuk kam pasur rastin ta ndjek drejtpërdrejt intervistën e ambasadorit Arvizu, por unë besoj se është e rëndësishme që qeveria të krijojë një ritëm të ri, të ketë prioritete edhe më të qarta, të harxhojë më pak kohë me replika dhe me opozitën. Qeveria duhet të harxhojë sa më shumë energji në zgjidhjen e problemeve që kanë të bëjnë me përmirësimin e mëtejshëm të qeverisjes së vendit. Sepse opozita prej kohësh ka zgjedhur një strategji të sajën që për mua është e qartë, përpjekja për të mbajtur vazhdimisht qeverinë në një debat të pareshtur politik, akuza e kundërakuza. Jemi në kushtet kur opozita nuk po paraqet dot një alternativë bindëse dhe në këtë rast nuk është opozita, por qeveria që humb kohë për të ecur përpara në rrugën e saj drejt integrimit.

Në kuadër të debatit publik, qeveria a ka qenë në lartësinë e duhur?
Mendoj se qeveria duhet të vendosë standarde më të larta të debatit dhe jam i bindur që dhe vetë opozita do të detyrohet të përmirësojë standardin që ajo ofron.

Çfarë ka bërë mirë dhe çfarë ka bërë keq qeveria në logjikën tuaj në mënyrë që në 2013 gjërat të përmirësohen dhe pse mos kjo maxhorancë të synojë një mandat tjetër?
Kjo është një analizë e gjerë, një debat më vetë, por le të marrim aspektin e integrimit evropian të vendit. Mendoj se qeveria më përgjithësi i ka përmbushur në kohë pothuajse të gjitha angazhimet që i takojnë asaj si qeveri. Marrim në radhë të parë procesin e liberalizimit të vizave. Për fat të mirë nuk kishim as standarde me ligje për 3/5, sepse në këtë rast procesi nuk do të kishte përfunduar as sot. Qeveria i plotësoi në një kohë rekord të gjitha kushtet e standardet e kërkuara. Shqiptarët treguan më mirë se vendet e tjera të Ballkanit Perëndimor se e meritonin këtë liberalizmin dhe është vlerësuar si një model në këtë drejtim.

Ju po thoni që vizat u bënë sepse ishte meritë e qeverisë?
Unë kap aspektin kryesor, aspektin e integrimit, në marrjen e statusit të vendit kandidat. Në një kohë rekord u dha pyetësori, u plotësua dhe u vlerësua nga KE për punën shumë të mirë që u bë nga administrata shqiptare. Problemet dihen dhe kanë të bëjnë me dialogun politik. Sepse kriteri ekonomik është me vlerësime pozitive edhe kriteri për përafrimin e legjislacioni ka vlerësime pozitive. Mbetet të provohet kriteri politik. PS ka organizuar një tryezë për të diskutuar për ligji për Gjykatën Administrative, një diskutim që duhej të ishte kryer që tre vjet më parë. Aktualisht një peshë të rëndësishme ka dhe reforma zgjedhore, pro ka një përpjekje për ta postuar për arsye sepse ne jemi mësuar .pra jo LSI-ja, që t’i lëmë gjërat për në fund. Por kjo mund të të na kushtojë në drejtim të vlerësimit që mund të bëhet përsa i takon kriterit politik për ta marrë apo jo statusin në fillim të vjeshtës. Këto kërkojnë vullnet dhe mirëkuptim politik asgjë më shumë. Projektligjet janë gati. Ato janë bërë me asistencën e EURALUIS dhe organizmave të tjerë ndërkombëtarë. Kjo kërkon mirëkuptim midis palëve. Nëse opozita do të ecë me mendimin që t’i zvarrisim ligjet dhe problemet dhe në fund fare “nuk u mor statusi edhe pse ne erdhëm në Parlament, e shikoni”. Unë nuk do ta besoja sepse është e rëndësishme që të gjithë të reflektojnë, pasi këto janë detyra ndaj vendit.

Ju thoni që klasa politike është fajtore për mosmarrjen e statusit të vendit kandidat për në BE. Jeni në një pozicion më në qendër...
Jo nuk është se jam në një pozicion më në qendër. Nëse ju do ishit gjerman, apo anglez, s’ka rëndësi, për ju nuk do të kishte shumë rëndësi nëse fajin e ka Ilir Meta, Edi Rama apo Sali Berisha. Secili nga këta është shqiptar dhe këta njerëz që nuk gjejnë gjuhën për të bëtë tre gjëra që u thuhet për t’i bërë. Natyrisht që qytetarët shqiptarë, e ndjekin këtë debat, këtë çështje dhe punën e fajit ata e zgjedhin me votë. Kështu që ne duhet të kuptojmë se cilido nga këta politikanë apo forca politike që kanë një votë dhe pas kësaj vote duhet të mbajnë këto përgjegjësi sepse kanë votën e qytetarit, nuk janë votat e tyre private. Secili nga këta është një politikan shqiptar, është pjesë e kësaj klase politike dhe me këtë drejtim duhet të ngrihemi në këtë lartësi që kërkon ky moment. Jemi në 100-vjetorin e pavarësisë, duhet treguar kjo maturi, kjo pjekuri. Por, kemi parasysh që Shqipëria ka pasur, ka dhe do të ketë një rol të rëndësishëm në këtë rajon dhe natyrisht që është në dinjitetin e këtij roli që Shqipëria ka pasur dhe duhet të ketë në të ardhmen. Po kështu të mos harrojmë që Europa, pavarësisht se ajo vazhdon politikën e saj të zgjerimit nuk ka më atë entuziazëm që ka pasur para 5 apo 10 vjetësh sepse ka problemet e saj të papritura. Kështu që edhe ndonjë entuziazëm ne nuk duhet të presim dhe këtë ne duhet ta kompensojmë me një rritje të përgjegjësisë sonë.

Pse nuk është përgjegjësia e qeverisë integrimi dhe a duhet të mbajë më shumë më shumë përgjegjësi qeveria?
Qeveria gjithnjë duhet të marrë më shumë përgjegjësi sesa opozita. Por, unë nuk mendoj se qeveria kishte diçka që mund të bënte konkretisht në këtë proces më shumë. Pse? Sepse Pyetësori u përgatit në një kohë rekord dhe me një cilësi shumë të lartë. Ishte një kërkesë çështja e Ombusmenëve (Avokati i Popullit) qeveria u tregua e hapur dhe që ta propozonte Partia Socialiste. Hapën konkurs, zgjodhën atë që e gjykuan më të përshtatshmin dhe u pranua dhe u vota sepse u dha një fjalë dhe iu qëndrua një angazhimi. Kemi rastin e Gjykatës Administrative. Sa herë ka qenë në rendin e ditës. Nuk ka qenë mazhoranca ajo që ka dalë nga salla përkundrazi. Kemi raste të tjera të tilla dhe që kërkojnë një kontribut të përbashkët dhe mazhoranca asnjëherë nuk ka ikur nga salla. Ka pasur një propozim për të përmirësuar diçka opozita, ka pasur të gjithë mundësinë për të paraqitur atë. Nuk mendoj se në drejtim të këtyre detyrimeve, angazhimeve, mazhoranca nuk ka bërë detyrën e saj.

Z. Meta, jeni ju në një mendje me zotin Berisha se zoti Rama i ka shërbyer Serbisë në lidhje me problematikën që ka paraqitur opozita për integrimin e Shqipërisë?
Së pari, nuk jam dakord që të konsiderojmë Serbinë si një vend armik. Pavarësisht nga armiqësia e hidhur midis dy popujve, midis dy kombeve në të kalurën e largët, apo qoftë edhe përpara 13 vitesh. Serbia duhet konsideruar si një vend partner, pavarësisht nga vështirësitë që ende ekzistojnë sepse trashëgimia nuk mund të tejkalohet me një dekadë. Edhe faktin se Serbia mori vlerësimin si një vend kandidat tregon se pavarësisht nga vështirësitë, nga paragjykimet që mund të kemi ne po ecëm në një rrugë demokratike. Mendoj se mesazhi që ka dashur që të japë zoti Berisha, opozita në Serbi nuk ka bllokuar çështje apo kërkesa që kanë qenë të Bashkimit Europian, jo thjesht që zoti Rama ka dashur t’i shërbejë Serbisë apo dikujt tjetër. Në këtë rast, mendoj përgjigja ime është shumë e thjeshtë, ka dashur t’i shërbejë qëllimit të tij, që përpiqet që gjithmonë të gjejë fajtore qeverinë për një mosarritje. Duhet që të gjithë të marrin përgjegjësitë e tyre sepse Shqipëria është pas në reforma pas Serbisë absolutisht. Shqipëria në drejtim të dialogut politik, i cili nuk ka prodhuar ato rezultate që janë kërkuar është këtu ku është sepse Shqipëria këtë status do ta kishte marrë para dy vitesh, tre vitesh. Shqipëria ka qenë më e përgatitur për ta pasur këtë status prej kohësh. Ka vetëm problemin e kriterit politik. Pra, nuk ka as problemin e kriterit ekonomik, nuk ka as problemin e kriterit të përafrimin e legjislacionit, sepse në të gjitha këto është bërë një progres të konsiderueshëm.

A kemi dështuar në luftën ndaj korrupsionit?
Lufta kundër korrupsionit është problem shumë i madh dhe serioz. Ky nuk është një problem thjesht shqiptar. Ky është një problem i gjitha vendeve që janë në stadin e Shqipërisë. Është edhe i vendeve që janë më të zhvilluar sesa Shqipëria, që presupozohet që kanë institucionet shumë më të konsoliduara, shumë efikase, shumë me eksperiencë, shumë të trajnuara e kështu me radhë,. Natyrisht që qeveria mund dhe duhet të bëjë akoma më shumë në këtë drejtim. Unë mendoj që edhe opozita mund dhe duhet të bëjë më tepër sesa ka bërë deri më tani sepse praktikisht deri më tani opozita thjesht dëshiron të bëjë luftë politike, por jo vërtet nisma të cilat ndihmojnë në luftën kundër korrupsionit. Nuk ka qenë qeveria dhe mazhoranca, që nuk kanë qenë për heqjen e imuniteteve për deputetët, ka qenë kundër opozita. Ky është një fakt shumë konkret. Kjo do t’i kontribuonte kësaj lufte. Së dyti, kjo është një luftë që nuk mund ta bëjë vetëm qeveria. Kjo është një luftë ku janë përfshirë prokuroria, gjykatat dhe sistemi i drejtësisë. Pra, është një luftë më komplekse sesa kaq. Por, natyrisht që qeveria duhet të bëjë akoma më shumë dhe unë nuk di ndonjë rast kur qeveria ka dalë në mbrojtje të dikujt, të një zyrtari të lartë, ndaj të cilit prokuroria ka ndërmarrë ndonjë nismë të caktuar. Përkundrazi ka qenë shumë e hapur për të ecur në këtë drejtim.

Është thënë nga kjo mazhorancë se lufta ndaj korrupsionit është kali ynë i betejës. A ka ngordhur kali i betejës apo është akoma gjallë?
Besoj se ky është një mandat nuk ka përfunduar dhe përfundon në korrik të vitit 2013 dhe janë optimist që do të ketë rezultate pozitive edhe në këtë drejtim. Prandaj duhet përshpejtur reforma në fushën e drejtësisë sepse edhe ajo është një kontribut i opozitës në luftën kundër korrupsionit.

Pse nuk funksionon tryeza e koalicionit tuaj?
Ju keni të drejtë sepse ngaqë ju shikoni që vazhdimisht mblidhet tryeza e opozitës. Por, tryeza e mazhorancës zakonisht është qeveria sepse të gjithë përfaqësohen atje.

Me siguri ju jeni njohur nga akuzat e bëra nga PS për sistemin shëndetësor në Shqipëri? Cili është qëndrimi juaj për tryezën?
Nuk habitem fare për qëndrimet e PS dhe kryetarit të saj për gjithë dikasteret që drejtohen nga titullarë të LSI dhe kjo është një fushatë tepër bajate dhe e neveritshme, sespe dhe aty nuk dëgjuam ndonjë mesazh që i konceptohet reformave në shëndetësi nga ana e PS. Një pjesë e gjërave të thëna janë përralla. Cilat janë përralla? Që çmimet e barnave në Shqipëri janë më të larta se në BE. Kjo është e patolerueshme. Jo vetëm kaq por janë vendosur çmime reference, të cilat imponojnë që të jetë një nivel i caktuar i çmimeve që është nën nivelin e vendeve të BE, gjë që nuk ka ndodhur më parë. Së dyti, unë mendoj se është mundësia për disa arsye për shkak të trashëgimisë të së kaluarës, të trashëgimisë në drejtim të mendësisë. Është e papranueshme për mua për vizionin që ka paraqitur sot kreu i PS për shëndetësinë është që kur të vijë PS në pushtet do t’u ofrojë shërbimin njësoj si atij që sigurohet dhe atij që nuk sigurohet, sepse nuk bëjnë dallime. Të thuash këtë gjë është njësoj sikur të kthehesh në moshën kur ishim të vegjël dhe dëgjonim që pas socialistëve ishte një sistem tjetër edhe më i mirë se komunizmi. Do ishte koha ku njerëzit mund të punonin aq sa mund të punonin por do të merrnin sa të donin. Ky është vizioni që praktikisht u paraqit nga kreu i PS për modernizim e shëndetësisë në të ardhmen. Pra, sipas tij çdokush mund të marrë shërbim edhe nëse sigurohet edhe nëse nuk është i siguruar.
(sg/shqiptarja.com)