Meta: Raketa ka dhe Rusia, jo vetëm SHBA! Nëse preket vota këtu do bëhet hataja

Ilir Meta ka habitur me deklaratat e tij duke thënë se nuk ka frikën e SHBA edhe pse ata mund ta vrasin, ndërsa tha se raketa ka edhe Rusia apo Koreja e Veriut dhe jo vetëm SHBA.

“Nëse ajo dëshiron të dalë në podium të bëjë fushatë me Ramën le të dalë ne do të mbrojmë zgjedhjet. I kam thënë Donld Lu, jo ti por Sekretari i Mbrojtjes që ka raketat bërthamore, edhe për atë nuk dua t’ja di nëse mendoj se kam të drejtë. Cfarë ka Amerika dhe BE për mua ti nxjerrin. Më keni parë mua të ndërhyj në punët e Amerikës? Jo, as ata të mos ndërhyjnë. Amerikën e duam për zgjedhjet e lira. Po të jetë se kemi frikë nga Amerika se ka aeroplanmbajtëse dhe raketa, ka edhe Rusia, duhet të kemi frikë edhe nga Rusia, ka edhe ky, koreano-veriori, edhe ai ka, por ne e duam për demokracinë” tha Meta.

Meta kërcënoi të mos tentohet që të cenohet vota në 25 Prill, pasi në të kundërt, situata do të përshkallëzohet.

“Këtu do të bëhet hataja po preku një votë. Ditën e zgjedhje do të jem në Durrës dhe Vlorë. Ilir Meta mund të ikë nga Presidenca por mbush sheshin” tha ai nga studio e televizionit të familjes Berisha.

Lajmi kryesor:

Yuri Kim mesazh Presidentit: E papranueshme të kërcënosh me sfurqe, këto deklarata meritojnë dënim! Meta s'ndalet: Raketa ka dhe Rusia, jo vetëm SHBA! Nëse preket vota këtu do bëhet hataja

/r.k./Shqiptarja.com

TAG:
• Ilir Meta
• ardian dvorani
• Yuri Kim
• zgjedhjet parlamentare 2021
• Meta sulmon Yuri Kim