Meta: S’do kemi më kryetar partie, por President! Kryemadhi? Të kandidojë, por s’ka më dy drejtues

Kreu i Partisë së Lirisë, Ilir Meta ka folur për dorëheqjen e nënkryetarit Endit Barimllari. Në konferencën për mediat, Meta tha se Braimllari është i mirëpritur në Konventën e Partisë së Lirisë.

Gazetarët e pyetën Metën edhe mi deklaratat e Braimllarit se i është pamundësuar funksioni si nënkryetar. Meta zgjodhi të përgjigjet duke cituar Churchill: Midis luftës dhe paqes, Chumberlen zgjodhi paqen pa e kuptuar që luftën e ka brenda.

Ilir Meta: Është i mirëpritur në konventë, siç ka qenë i lajmëruar në të gjitha mbledhjet, siç ka qenë i lajmëruar nga Tedi për të dalë para Erion Velisë. Ne po e presim me shumë dashuri në konventë t’i thotë këto gjëra, unë kam përshtypjen që ju bëni diversion dhe nuk është mirë që të bëjmë diversion.

Gazetari: Po citoj Braimllarin: Më është pamundësuar funksioni im si nënkryetar

Ilir Meta: Meqë po citoni, unë po citoj Stalinin. Kur vija politika është e qartë dhe partia jonë është e qartë me e qartë se çdo parti tjetër, faktor vendimtar për fitoren mbeten organizmi. Po citoj Churchill: Midis luftës dhe paqes, Chumberlen zgjodhi paqen pa e kuptuar që luftën e ka brenda. Malet tona më të larta ne e kemi një betejë vendimtare luftën me mafien dhe çdo segment që punon për të kudo për ti kthyer lirinë shqiptarëve.

Nënkryetari i Partisë së Lirisë, Endrit Braimllari i konsideruar si një nga bashkëpunëtorët më të afërt të Monika Kryemadhit, u dorëhoq pas përplasjeve me kryetarin e PL Ilir Meta, i cili kritikoi tre ditë më parë performancën e strukturave të partisë në qytetin e Korçës.

Ilir Meta tha se do të riorganizojë Partinë e Lirisë dhe nuk do të ketë më kryetar, por do të ketë president.

‘Tani do të keni votimet të statutit. Nuk bëhet fjalë për individ të caktuar por për një fenomen. Kemi problem të madh në nivel vendor. Ajo që ndodhi në Lezhë ishte një gjë e rënë dhe për këtë ka përgjegjësi Viktori. Ai që ishte si kryetar që kishte lënë Viktori vuri bashkëshorten më idenë se do të bëhej nënkryetar partie. Pasi nuk u bë nënkryetar iku nga partia te Lali Eri dhe mori dhe bashkëshorten. Statuti nuk bëhet për një njeri bëhet për 30 vitet e ardhshme. Kryemadhi në rast se dëshiron të kandidojë për presidente është e mirëpritur. në rast se do të kandidojë për poste të tjera është e mirëpritur por pasi Konventa të zgjidhë çështjen e statusit. E bëjmë për të zgjidhur problemin e nepotizimit. Ne do ta çrrënjosim nepotizmin nga administrata.  Në drejtësinë e re janë 5 apo 6 nga një familje. Në rast së Monika zgjidhet unë nuk mund të jem më pas komplet drejtues. Do të vazhdoj të kontribuoj, mund të kandidoj për deputet.’- tha Meta.

Kryetari i Partisë së Lirisë në një dalje për mediat foli për riorganizimin e kësaj partie. Meta tha se ecën me qëllime dhe objektiva, ndërsa shtoi se në dhomën ku fle, ka një parullë ‘forcë e parë, forcë e paparë’.

‘Unë jam partizan i organizimit perfekt me data me afate me objektiva çdo ditë. Unë atje ku fle kam vënë pastër forcë e parë force e paparë. Nëse s’do të kishim djegur mandatet do të ishim forcë e parë. Xhixho ka fatin që nuk ka qenë deputete dhe nuk ka lënë mandatin. Falënderoj Erisën dhe Tedin që pranuan të jenë kandidatë të mi. Ftoj këdo koleg që ka një alternativë tjetër të vij në konventë.’- tha Meta.

Ilir Meta ka propozuar Tedi Blushin si sekretar të Përgjithshëm të Partisë së Lirisë. Në një konferencë për mediat, Meta foli sërish për tradhti brenda PL, ndërsa tha se ka dëgjuar zëra brenda partisë së Tedi Blushi bën veporimtari armiqësore ndaj Metës.

Madje Meta tha se Tedi Blushin duan ta 'vrasin' (politikisht), ndërsa theksoi se Blushi është patriot dhe se ia ka nevojë për njerëz të tillë dhe jo “cimkaxhinj e cimkaxhesha.”

“Ka ndonjëherë xhelozira kur vijën figura të reja kur vijën në parti. Edhe Tedi ka shkaktuar shqetësime ngaqë bën opozitë të vërtetë. Kam dëgjuar teori edhe në këtë seli që Tedi kryen veprimtari armiqësore kundër Ilir Metës. Ata që falsin ndaj Tedit e kanë me Ilir metën, por s’dalin publikisht. Por do dalin se hallet të çojën drejt nxjerrjes së fytyrës të vërtetë. Këta nuk e kanë me Tedin, por me Metën sepse duan që PL të jetë një vegël e shtetit të kapur nga Edi Rama, i cili ka investuar për të krijuar në këtë parti fraksion Duman, Dvoran, Ardian, të cilin e mirëpres në pallatin e kongreseve, siç mirëpres çdo fraksion tjetër.

Hitleri thonte kur të shkoj në Moskë, Stalinin do ta var të dytin, të parin do var gazetarin e Radio Moskës, i cili lexonte komunikata e Stalinit dhe ushtrisë së kuqe. Thoshte Stalinin do ta vras të dyin. Pse duan ta vrasin këta detin, se nuk bëjnë dot opozitë siç bën Tedin, as s’ka qenë ministër, as ka bërë tender. A bën Tedi gabime patjetër, me atë ritëm që punoj unë, por mbi të gjitha Tedi mëson dhe është patriot. Dhe Ilir Meta ka nevojë për patriot, jo për cimkaxhinj e cimkaxhesha”, tha Meta.