Meta takim me një përfaqësi të Aleancës Kosovare të Bizneseve: Shkëmbimet tregtare mes dy vendeve kanë rënë, duhen marrë masa

TIRANË- Kreu i shtetit, Ilir Meta ka zhvilluar një takim me një përfaqësi të Aleancës Kosovare të Bizneseve.

Meta shkruan se shkëmbimet tregtare mes dy vendeve kanë rënë, e për pasojë duhet marrë masa të menjëhershme.

"Prita sot në Presidencë një përfaqësi të Aleancës Kosovare të Bizneseve, me të cilët ndamë ide të vyera mbi rëndësinë e thellimit të bashkëpunimit ekonomik të sipërmarrjeve në nivel kombëtar.

LEXO EDHE:
Nga ‘sevapi’ i Damianit për Berishën te Salianji 4 vite në Apel

U njoha me shqetësimet e drejta të tyre për rënien e volumit të shkëmbimeve tregtare ndërmjet dy vendeve tona, si pasojë e COVID-19, shtimit të pengesave administrative e infrastrukturore, si dhe rritjes se barrës, kryesisht jo tarifore.

Në kushtet aktuale të pandemisë, theksuam domosdoshmërinë e marrjes së masave të menjëhershme, për të siguruar vijimësinë e bashkëpunimit ekonomik dhe tregëtar, si dhe rritjen e mbështetjes nga ana qeverive për bizneset e prekura në të dyja vendet, me qëllim zhvillimin e qëndrueshëm të Shqipërisë e Kosovës", shkruan Meta.

 

Presidenti Ilir Meta në takim me një përfaqësi të Aleancës Kosovare të Bizneseve

B.K./Shqiptarja.com

TAG:
• Ilir Meta
• kosove
• aleanca kosovare e biznesit