Meta takohet me Kryeministrin e Japonisë: Të hiqen vizat me Shqipërinë

Në vijim të vizitës së tij zyrtare në Tokio, Presidenti i Republikës Ilir Meta është pritur nga Kryeministri i Japonisë, Shinzo Abe.

Meta vlerësoi marrëdhëniet e shkëlqyera midis dy vendeve tona dhe shprehu dëshirën që bashkëpunimi i deritanishëm të thellohet më tej në të gjitha fushat, në veçanti në realizimin e investimeve të reja japoneze në Shqipëri.

“Japonia është një partner shumë i rëndësishëm i Shqipërisë, me kontribute të jashtëzakonshme për zhvillimin ekonomik dhe social të vendit”, - u shpreh Kreu i Shtetit.

LEXO EDHE:
Meta nga burgu: Arsimi pa fonde shtesë, papërgjegjshmëri

Meta duke vlerësuar rritjen e interesit të turistëve japonezë për Shqipërinë, theksoi rëndësinë e heqjes së vizave nga Japonia për të gjithë qytetarët shqiptarë, sa më shpejt, që të rriten më tej shkëmbimet njerëzore midis dy vendeve.

Kryeministri Abe premtoi se do ta konsiderojë këtë kërkesë të Presidentit Meta.

Gjatë takimit, Kreu i Shtetit vlerësoi edhe asistencën financiare dhe teknike të dhënë nga Japonia nëpërmjet Agjencisë së Bashkëpunimit Ndërkombëtar (JICA).

“Nisma e Kryeministrit japonez Abe për Ballkanin Perëndimor është shumë e rëndësishme sepse i shërben stabilitetit dhe prosperitetit të rajonit tonë”, - nënvizoi Kreu i Shtetit.

Në njoftim të shpërndarë për mediat nga Presidenca, thuhet se Meta është shprehur se ka ardhur koha që Kryeministri Abe të vizitojë Tiranën për t’i dhënë një hov të ri bashkëpunimit, jo vetëm me Shqipërinë, por me të gjithë rajonin tonë.

Nga ana e Tij, Kryeministri Abe premtoi se do ta konsiderojë këtë mundësi sa më shpejt të jetë e mundur.

TAG:
• Ilir Meta
• Japoni
• shinzo abe

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1507

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq