Meta takon Vjosa Osmanin: Të përshpejtohet dialogu Kosovë- Serbi

Gjatë vizitës në Kosovë, Presidenti Ilir Meta ka takuar homologen e tij Vjosa Osmanin ku është diskutuar mbi nevojën e përshpejtimit të procesit të dialogut mes Kosovës dhe Serbisë.

Meta ka theksuar se Shqipëria dhe Kosova duhet të bashkëpunojnë, duke u ndalur edhe në mbledhjen e qeverisë që do zhvillohet ditën e nesërme në Elbasan.

"Gjithmonë kënaqësi të takoj Presidenten e Kosovës, Sh.S.Znj. Vjosa Osmani.

LEXO EDHE:
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë

Ndamë sot në Prishtinë urimet më të ngrohta për festën kombëtare të 28 Nëntorit, Ditën e Flamurit dhe zhvilluam një bisedë të hapur për mundësitë e thellimit të marrëdhënieve strategjike dhe vëllazërore mes Shqipërisë dhe Kosovës, në të gjitha fushat.

Me shumë rëndësi konsolidimi i bashkëpunimit ndërmjet të gjitha vendeve tona, në kuadër edhe të nismave rajonale gjithëpërfshirëse, në mënyrë të veçantë të Procesit të Berlinit.

Të bindur në nevojën jetike, që marrëveshjet ndërqeveritare që janë finalizuar dhe do të nënshkruhen, të konkretizohen në praktikë, për t'i shërbyer në mënyrë thelbësore forcimit të bashkëpunimit dhe përmirësimit të jetës së qytetarëve tanë", shkruan Meta.

Lajmi kryesor:

Meta kërkon të bëhet faktor nga Prishtina, takon Kurtin: Nesër në mbledhjen e qeverisë mes dy vendeve, të nënshkruhen të gjitha marrëveshjet

SI.E./Shqiptarja.com

TAG:
• Ilir Meta
• kosove
• Albin Kurti
• procesi i berlinit
• Glauk Konjufca
• ballkani i hapur