'Kurrë një ngjarje e tillë nuk do të harrohet derisa mbi rrënojat e 17 Majit të vendoset Drejtësia'. Kështu shprehet Presidenti Ilir Meta për shembjen e teatrit kombëtar, ndërsa shton se kauza e artistëve tashmë është edhe e tij dhe nuk do të ndalojë deri në shembjen e tiranisë. Meta thotë se ajo që ndodhi më 17 maj, nuk do amnistohet kurrë. Kreu i Shtetit thotë se Aleanca për Mbrojtjen e Teatrit nuk humbi, por fitoi një kauzë të madhe.
"Ajo që ndodhi në errësirën e 17 majit nuk do të amnistohet kurrë! Ndërgjegjja shoqërore dhe kombëtare u lëndua si kurrë më parë. Maska e tiranisë ra përpara të gjithë shqiptarëve dhe e gjithë bota e vërtetë demokratike u shokua.
Kurrë një ngjarje nga Shqipëria s'do prodhonte një jehonë të tillë dhe negative, që nuk shlyhet më dhe as harrohet derisa mbi rrënojat e 17 Majit të vendoset Drejtësia. Aleanca për Mbrojtjen e Teatrit nuk humbi, por fitoi një kauzë edhe më të madhe duke i ndihmuar të gjithë shqiptarët e përgjumur për t'u zgjuar e bashkuar para se Tirania t'i shembë secilit shtëpinë e tij si banorëve të Unazës së Re.
![](https://shqiptarja.com/template/img/NO_ALFA_Kuadrate shqiptarja.png)
Të gjithë shqiptarët e ndershëm u ndjenë të dhunuar pabesisht dhe poshtërsisht pasi Teatri ishte tempulli i tyre i përbashkët. Të gjithe u ndjenë edhe në faj e borxh për heronjtë dhe heroinat që e mbrojtën atë për dy vjet e gjysmë me sakrifica të patreguara dhe nën presione të gjithanshme.
Tani kauza e tyre është e të gjithëve ne, dhe nuk do të ndalojë deri në shembjen e Tiranisë dhe Rindërtimin e Teatrit. Mirënjohje të përjetshme artistëve të cilët zgjuan qytetarinë. Një popull që fle në demokraci zgjohet në diktaturë. A nuk u zgjuam në diktaturë në mes të errësirës në 17 maj?" shkruan Meta.
Lajmi kryesor:
Meta nga Shkodra: Durim dhe zemërgjerësi! Çështja e Teatrit Kombëtar e shenjtë
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
NUK do ikim nga shqiperia por do largojme keta politikane te korruptuar...
PërgjigjuIkni ikni shqiptare nuk behet me shqiperia ikni per te atdhmen e femijeve ju prsh
PërgjigjuPo ky kur do futet brenda se i ka ardhur ora
PërgjigjuJo se policia duhet te zbatoj ligjin te perdori gjithe forcen e ligjit per te vene prapa hekurave gjithe banditet te tip it Budina Lul Basha e te tjere qe priishin rendin publik Nuk eshte diktature te zbatohen ligjet e shtetit
PërgjigjuLigji zbatohrt nga te gjithe Qytetaret njesoje..Mbi 90. %. e Qytatareve ,,Jane Dakort qe Bashkia e Tiranes te ngreje aty Teatrin e ri me Rindertime Evropian.. Mos u cjere kote,,Fundi juaj dihet ,,por e ke te veshtire ta besoshe..
PërgjigjuVjedhjet e tua nuk amnistohen o hajdut.
PërgjigjuPo ajo video me 700.000 euro qe tronditi shqiperin ku eshte .ne YouTube e ke o like floriri
Përgjigju